ກະດານຄວາມເຫັນ ວິເຄາະວິຈານ ແລະຄວາມເຫັນ ກ່ຽວກັບຂ່າວລາວ

ເຂົ້າມາອ່ານ: 580 ຄວາມເຫັນ: 6 Printພີມ
Email to friend ອີ່ເມວລ໌ໄປໃຫ້ຫມູ່
ງານບຸນປີໃໝ່ລາວ ທີ່ ເຊີແນວ ປະເທດ ສະວິດສ
2 ຄົນໃຫ້ຄະແນນ: 5 
    ໃຫ້ຄະແນນ
thanouxay 19/04/11 04:25 AM (3 ປີ)
ຈາກ: ປະເທດ ເປັນກາງ
ຄວາມເຫັນ: 6
ມີທັງໝົດ: 46 ກະທູ້
ຮຽນ ທ່ານ­ທີ່­ມີກຽດ ທັງຫລາຍ,


ເຊີນ­ຊົມ ຮູບ­ຈໍານວນ­ໜື່ງ ຂອງ­ງານ­ຣາ­ຕຣີສະ­ໂມ­ສອນ ທີ່­ຈັດ­ຂື້ນ ໃນ­ຄໍາ­ຄືນ­ວັນ­ທີ່ 16 ເມ­ສາ 2011 ໂດບ ວົງຄະ­ນາຍາດ­ຄົນ­ລາວເຮົາ ປະ­ຈໍາ­ປະ­ເທດ ສະ­ວິດສ ແລະ­ ເຂດອ້ອມແອ້ມ ໂດຍ­ພາຍໄດ້ ການ­ອຸບປະ­ຖໍາ ຂອງ ສະ­ຖານເອກ­ອັກຄະ­ລັດຖະ­ທູດ ແລະ­ ສໍານັກ­ງານ ຜູ້ຕ່າງໜ້າ­ຖາວອນ ສປປ ລາວ ປະ­ຈໍາ­ປະ­ເທດ ສະ­ວິດສ ແລະ­ ອົງ­ການ ສປຊ ທີ່ເຊີແນວ.

ແຂກ­ລາວ ແລະ­ ຕ່າງປະ­ເທດ ກວ່າ 600 ທ່ານໄດ້ເຂົາ­ຮ່ວມ ງານ­ຣາ­ຕຣີສະ­ໂມ­ສອນ ດັ້ງກ່າວ ທີ່ເຕັມໄປດ້ວຍ­ຄວາມ ຮັກໄຄ້ໄມ­ຕີຈິດ, ຄວາມ­ສາມະ­ຄີ ແລະ­ ຄວາມເປັນ­ມິດ ໂດຍ­ບໍ່ປະ­ລະ­ ຮີດ­ຄອງປະ­ເພນີ ອັນ­ດີງາມ ຂອງ ລາວເຮົາ.




ພິທີ ຂໍຄໍາມາ ສົງພຣະ­ ແລະ­ ບາຍ­ສີສູ້ຂວັນ ກ່ອນເປີດ­ງານ ຣາ­ຕີສະ­ໂມ­ສອນ


ທ່ານ ເອກ­ອັກຄະ­ລັດຖະ­ທູດ ສປປ ລາວ ພ້ອມ ພັນລະ­ຍາ ທ່ານ ຄໍາ­ພູ ທະ­ຫວີວັນ ນັກ­ສີນລະ­ປີນແຫ່ງ­ຊາດ ຮ່ວມ­ກັບ­ພີ່ນ້ອງ­ຊາວລາວເຮົາ ຮ້ອງ 2 ເພງ: ເຕືອນໃຈລາວ ແລະ­ ເພງ ລາວຮ່ວມ­ສໍາ­ພັນ


ຄະ­ນະ­ນັກຝ້ອນ ຈາກ­ລາວ ນໍາໂດຍ ນາງ ນຸດ ພຸດທະ­ວົງ­ສາ ອາ­ຈານ­ສອນ ໂຮງ­ຮຽນ­ນາດຕະ­ສີນ ວຽງ­ຈັນ ສະ­ແດງ­ບົດຟ້ອນ ດວງ­ຈໍາ­ປາ ຮ່ວມ­ກັບ ນາງ­ສາວ ລົດຈະ­ນາ ອານຸລັກ ແລະ­ ລູກ­ສາວ


ທ່ານ ຄໍາ­ພູ ທະ­ຫວີວັນ ນັກ­ສີນລະ­ປີນແຫ່ງ­ຊາດ ດ່ຽວເພງ ແດ່­ມີດຕ່າງແດນ ໃນ­ງານ ສະ­ຫລອງ ປີໃໝ່ 2554 ທີ່ ນະ­ຄອນ ເຊີແນວ ປະ­ເທດ ສະ­ວິດສ


ນ້ອງ­ນາງ ລົດຈະ­ນາ ອານຸລັກ ນັກຮ້ອງ­ສຽງ­ສູງ ຂອງ ສປປ ລາວ ພວມ­ມອບເພງ ມ່ວນໆ­ ແດ່­ງານ­ບຸນ


ພີ່ນ້ອງ ຊາວລາວເຮົາ ທີ່ ເມືອງ Bonneville, Haute Savoie, France ຮ່ວມ­ກັບ ຄະ­ນະ­ນັກຟ້ອນ­ມາ­ຈາກ ສປປ ລາວ ສະ­ແດງ­ບົດຟ້ອນ ລາວຮ່ວມເຜົ່າ


ຄະ­ບວນເຊີ້ງ ຂອງ ພໍ່ແມ່ນ­ພີ່ນ້ອງ­ຊາວລາວ ທີ່­ມາ­ຈາກເມືອງ ແຊງໂກລດ ປະ­ເທດ ຝຣັ່ງ
ເບີ່ງຄວາມເຫັນແບບ:  ຕາມລໍາດັບ | ຫລ້າສຸດ | ເຫັນດ້ວຍ | ບໍ່ເຫັນດ້ວຍ
# 1 ດມສ 19/04/11 04:59 AM (3 ປີ) ຈາກ: USA ຈາກບ້ານນອກ ໄປຢູ່ນອກບ້ານ
­ເຖີງ: thanouxay

ໃນ­ພາ­ພ ເຫັນທ່ານ­ຢົ້ງ(ຫຼື ຍົງ) ຈັນທະ­ຣັງ­ສຼີ ອະ­ດີຕໂຄສົກ ກຊ ກຕປທ, ມີບາງ­ຂໍ້ຄວາມ­ທີ່ທ່ານ­ບັນ­ຍາຍປະ­ກອບ­ພາ­ພ ທີ່ເວົ້າເຖິງ­ຊື່ຂອງ­ນັກຟ້ອນ ໃນ­ຮູປເທິງວ່າ ນາງ­ສາວອະ­ນຸຣັກສ໌­ແລະ­ລູກ­ສາວ ນີ້­ໝາຍວ່າ ລູກ­ສາວຂອງ­ນາງ­ສາວອະ­ນຸຣັກສ໌­ຫຼືລູກ­ສາວທ່ານ­ອື່ນ ຖ້າວ່ານາງ­ສາວອະ­ນຸຣັກສ໌­ມີລູກແລ້ວ ກໍຄວນໃຊ້­ສັພນາມ­ນໍາ­ໜ້າວ່າ ນາງອະ­ນຸຣັກສ໌­(ບໍ່ແມ່ນ­ສາວແລ້ວເພາະ­ມີລູກແລ້ວ), ບາດ­ຮູປລຸ່ມ­ມາ ພັດເອີ້ນວ່າ ນາງອະ­ນຸຣັກສ໌­ ຊື່ໆ­ ບໍ່ແມ່ນ­ນາງ­ສາວອະ­ນຸຣັກສ໌­

ທີ່ຂ້າ­ພະ­ເຈົ້າ­ຈົງໃຈສະ­ກົດວ່າ ອະ­ນຸຣັກສ໌­ ແມ່ນ­ມີເຄົ້າມາ­ຈາກ­ປາ­ລີ ວ່າ ອນຸ(ອ່ານວ່າ ອະ­ນຸ) + ຣັກຂະ­ = ແປວ່າ ການ­ປົກ­ປັກ­ຮັກ­ສາໄວ້ ເຊັ່ນ ອາ­ຣັກ­ຂາ ເປັນ­ຕົ້ນ. ແຕ່ວ່າ ສັນສະ­ກ­ຣິຕ ໃຊ້ ຣັກສະ­

ອີກ­ຄໍາ­ໜຶ່ງ­ທີ່ຄ້າຍ­ຄືກັນ ແຕ່ຄວາມ­ໝາຍຕ່າງ­ກັນ ຄື ອະ­ນຸລັກສນ໌­ ຄືມາ­ຈາກ­ຄໍາ­ສົນ­ທິສອງ­ຄໍາ ອນຸ+ລັກສນະ­ = ແນວນ້ອຍ, ແບບນ້ອຍ, ຢ່າງນ້ອຍ

ແຕ່­ຄົນ­ລາວສ່ວນ­ຫຼາຍ­ມັກ­ຂຽນ­ຜິດ­ຕາມເຄົ້າ­ສັພທ໌­ ເຊັ່ນ ອານຸລັກ, ອານຸສອນ, ອານຸຍາດ ....

ສບດ ປີໃໝ່ແກ່ທ່ານແລະ­ຄະ­ນະ­ທັງ­ໝົດ­ທີ່­ນັ້ນ­ນໍາ
ດມສ.
# 2 thanouxay 19/04/11 05:38 AM (3 ປີ) ຈາກ: ປະເທດ ເປັນກາງ
­ເຖີງ: ດມສ

ໂຊກ­ດີປີໃໝ່ ເດີ້ ແລະ­ ພ້ອມ­ກັນ­ນັ້ນ ກໍ່­ຂໍຂອບໃຈນໍາ­ທ່ານ ທີ່ ມີຂໍ້­ສັງເກດ ທີ່­ຖືກຕ້ອງ ແລະ­ ມີເຫດ­ຜົນ­ທີ່­ສຸດ ເພື່ອໃຫ້ ທ່ານ ຜູ້ອ່ານ ມີຄວາມກະ­ຈ່າງແຈ້ງ ໃນແຕ່ລະ­ຂໍ້ຄວາມ.

ສະ­ນັ້ນ ຂພຈ ຂໍໃຫ້ຄວາມກະ­ຈ່າງແຈ້ງວ່າ ໃນ­ຝອຍ­ຂອງ­ຮູບ ທີ່ ຂພຈ ຂຽນວ່າ: "ຄະ­ນະ­ນັກຝ້ອນ ຈາກ­ລາວ ນໍາໂດຍ ນາງ ນຸດ ພຸດທະ­ວົງ­ສາ ອາ­ຈານ­ສອນ ໂຮງ­ຮຽນ­ນາດຕະ­ສີນ ວຽງ­ຈັນ ສະ­ແດງ­ບົດຟ້ອນ ດວງ­ຈໍາ­ປາ ຮ່ວມ­ກັບ ນາງ­ສາວ ລົດຈະ­ນາ ອານຸລັກ ແລະ­ ລູກ­ສາວ" ຂໍໃຫ້ເຂົ້າໃຈວ່າ: ນາງ ນຸດ ພຸດທະ­ວົງ­ສາ ແລະ­ ລູກ­ສາວ ຟ້ອນ­ກັບ ນາງ­ສາວ ລົດຈະ­ນາ ອານຸລັກ. (ເວົ້າອີກ­ຈັ່ງ­ໜື່ງ­ກໍ່ແມ່ນ ນາງ ນຸດ ພຸດທະ­ວົງ­ສາ ຟ້ອນ­ກັບ ລູກ­ສາວຂອງ­ຕົນ ແລະ­ ນ່າງ­ສາວ ລົດຈະ­ນາ ນັ້ນເອງ).

ໃນ­ການ­ຂຽນເບື້ອງ­ຕົ້ນ ຂພຈ ເຂົ້າໃຈວ່າ ຖ້າໄດ້­ຂຽນວ່າ ນາງ­ສາວ ລົດຈະ­ນາ ອານຸລັກ ແລ້ວ ຜູ້ອ່ານ­ກໍ່ຕ້ອງເຂົ້າໃຈວ່າ ນາງ ລົດຈະ­ນາ ແມ່ນ ສາວໂສດ ບໍ່­ທັນແຕ່ງ­ດອງເທື່ອ. ແຕ່ເພື່ອຄວາມກະ­ຈ່າງແຈ້ງ ກໍ່ເຫັນ­ດີນໍາ­ທ່ານ ແລະ­ ຂໍໃຫ້ເຂົ້າໃຈຕາມ­ນີ້ດ້ວຍ.

ສ່ວນວ່າ ຫລັກໄວຍາກອນ­ລາວເຮົານັ້ນ ແລະ­ ການສະ­ກົດ ໃນ­ການ­ຂຽນ ພາ­ສາ­ລາວເຮົາ ແມ່ນເປັນ­ອີກ ບັນ­ຫາ­ໜື່ງ ທີ່­ຍັງຈະ­ໄດ້ ໂຕ້­ຖຽງ­ກັນ ຕໍ່ໄປອີກ­ຍາວ.

ໂຊກ­ດີປີໃໝ່
# 3 ລາວສູ້ໆ 19/04/11 10:14 AM (3 ປີ) ຈາກ: USA ນະຄອນຫຼວງວຽງຈັນ
­ເຖີງ: thanouxay
ເບິ່ງເປັນ­ຕາມ່ວນ­ນໍ...ເຫັນເຖິງ­ຄວາມ­ສາມັກ­ຄີ...ຈັ່ງ­ຊີ້ກະ­ດີແລ້ວ. ເຫັນເມຍທ່ານ­ທູດເພີ່ນ­ອວບ­ງາມ­ຂື້ນ­ນໍ, ຝາກ­ຖາມສະ­ບາຍ­ດີນໍາອ້າຍ­ຄວາຍແລ້ວ ເພີ່ນວ່າຍັງ­ຈື່ຂ້າ­ພະ­ເຈົ້າໄດ້­ຢູ່.

ຕາ­ຕີບ
# 4 ດອນຊິງຊູ້ 19/04/11 02:36 PM (3 ປີ) ຈາກ: LAO ແຄມຂອງ
­ເຖີງ: thanouxay

ຢາກເຫັນ­ພີ່ນ້ອງ­ລາວໃນ ລາວນອກ
ຮັກແພງ­ສາມັກ­ຄີກັນ ມາ­ຊ່ວຍ­ກັນສ້າງ­ສາ­ພັດທະ­ນາບ້ານເກີດເມືອງ­ນອກແຫ່ງ­ນີ້ ໃຫ້­ຮຸ່ງເຮືອງ­ສີວິໄລ
ຂ້າ­ພະ­ເຈົ້າ­ຢາກ­ຂໍກາບໄຫວ້­ຂໍພອນເທວາ ຖ້າ­ຂໍໄດ້
ແຕ່ກ່ອນ­ອື່ນ ຄວາມ­ຈິງໃຈ ຕ້ອງ­ມາກ່ອນ!!

ຮັກແພງ

ດອນ­ຊິງ­ຊູ້
# 5 ປາກຊັນສອງສີ 20/04/11 02:06 AM (3 ປີ) ຈາກ: ປາກນໍ້າຊັນ
­ເຖີງ: thanouxay
ສະ­ບາຍ­ດີປີໃໝ່ທ່ານ­ທູດ ຂໍຊົມເຊີຍ­ນໍາ­ທ່ານ­ທີ່ທ້ອນໂຮມ­ຄົນ­ລາວມາ­ຮ່ວມ­ງານຫລາຍ­ປານ­ນີ້ເບີ່ງ­ຄື
ຊິມ່ວນຂະ­ໜາດ­ນໍ ນັກ­ດົນຕຣີຢູໃນ­ຫັ້ນກະ­ມີສະ­ມາ­ຊິກໃບ­ລານເຮົາເຂົ້າ­ຮ່ວມ­ຄື ຍາອ້າຍ­ຫໍາ­ປອມ
ຈາກປະ­ເທດຝຣັງ ສາຍາ­ຕັ້ງໃຫ້ໃໝ່ ຫລໍ່ຊ້ໍາເຖົ້າ
# 6 phudoy 20/04/11 07:43 AM (3 ປີ) ຈາກ: AUS ທາດພະນົມ ແຂວງນະຄອນພະນົມ
­ເຖີງ: thanouxay
ສະ­ບາຍ­ດີ ປີໃຫມ່ ທ່ານ­ທູຕ ທະ­ນູໄຊ ເອກ­ລັກແມ່­ຍິງ­ລາວເຮົາແມ່ນ­ນຸ່ງ­ສີນ ເກ­ລົ້າ­ຜົມ ຈົບ­ງາມຫລາຍ ບໍ່­ມີໃຜຄືໃນໂລກ­ນີ້ ສີ່ງ­ນີ້ເປັນ­ການ­ຢັ້ງ­ຢືນວ່ານີ້ແມ່ນ ລາວ
ໜ້າ 1 ທັງໝົດ 1 1
ກະທູ້ຄວາມເຫັນຫລ້າສຸດ: 
ເລື່ອງ   ຜູ່ຂຽນ ເຂົ້າມາອ່ານ ຫລ້າສຸດ