ບົດຂຽນ ມີສັພທ໌ ມີແສງ

ເຂົ້າມາອ່ານ: 3444 ຄວາມເຫັນ: 21 Printພີມ
Email to friend ອີ່ເມວລ໌ໄປໃຫ້ຫມູ່
ຄໍາລາວ ທີ່ຄົນລາວລືມ
1 ຄົນໃຫ້ຄະແນນ: 5 
    ໃຫ້ຄະແນນ
ຄໍາ­ລາວທີ່­ຄົນ­ລາວໄດ້­ລືມ, ຖືກ­ລືມ, ຕັ້ງໃຈລືມ, ແກ້ງ­ລືມ, ບີບ­ບັງ­ຄັບໃຫ້­ລືມ, ຖືກ­ກືນ­ຈົນ­ລືມ...
ມີຫຼາຍ­ຄໍາ­ທີ່­ຈື່­ບໍ່ໄຂວ່ ເຊັ່ນວ່າ

ລືມ­ຄໍາວ່າ ຊິ ........................ປ່ຽນໄປໃຊ້­ຄໍາເຂົາວ່າ ຈະ­
..... ກາຍ ................................ .......................... ເກີນ
.....ກະ­ກຽມ ......................................................... ຕະ­ຕຽມ, ຕຣະ­ຕຣຽມ
....ນຸ່ງ­ຖື ............................................................. ສວມໃສ່ (ເບິ່ງໃນ­ການເສັງ­ນາງ­ງາມ­ລາວທີ່­ວຽງ­ຈັນທນ໌­ປີແລ້ວນີ້)
....ສົ້ງເສື້ອ, ສິ້ນເສຶື້ອ ............................................ ເສື້ອຜ້າ
....ຊື້ເຄື່ອງ, ກຽມເຄື່ອງ, ເຄື່ອງ­ກິນ ....................... ຊື້ຂອງ, ກຽມ­ຂອງ,ເຮັດ­ຂອງ­ກິນ
....ສອບເສງ, ເສັງ­ກັນ, ຊ່ວງເຮືອ ....................... ແຂ່ງ­ຂັນ, ແຂ່ງ­ກັນ, ແຂ່ງເຮືອ
....ເປັນ­ຕາ­ຮັກ, ເປັນ­ຕາ­ໜ່າຍ, ເປັນ­ຕາ­ຊັງ ........... ໜ້າ­ຮັກ, ໜ້າເບື່ອ, ໜ້າ­ຊັງ
....ຖ້າ ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ລໍ
....ພູດອຍ ........................................................... ພູເຂົາ
....ອີດູ ................................................................. ເອັນ­ດູ
....ວັນ­ພັກແທນ, ວັນ­ພັກ­ຕາງ ................................ ວັນ­ພັກ­ຊົດເຊີຍ
....ຄ່າໃຊ້ແທນ, ຄ່າ­ຈ່າຍແທນ .............................. ຄ່າ­ຊົດເຊີຍ (ເບິ່ງຂ່າວໃນ­ລາວກ່ຽວກັບ­ການ­ຫາບ່ອນ­ຢູ່ແລະ­ດິນ­ດອນໃຊ້ແທນ ປຊຊ ທີ່­ທາງ­ການໄດ້­ນໍາໃຊ້­ດິນ­ດອນ­ຂອງ ປຊຊ ທີ່ເຄີຍ­ຢູ່­ອາ­ສັຍ­ມາແລ້ວ)
.....ຄົນ­ງາມ ........................................................ ຄົນ­ສວຍ
.....ຄົນເຈົ້າ­ຊູ້ ..................................................... ຄົນ­ຫຼໍ່
.....ຮັ່ງ­ມີ ............................................................ລໍ້າ­ລວຍ
.....ຄົນ­ທຸກຂ໌­ ..................................................... ຄົນ­ຈົນ
....ທຸກ­ຍາກ ...................................................... ຍາກ­ຈົນ
....ເບິ່ງ­ບໍ່ເປີດ .................................................... ເບິ່ງ­ບໍ່ເບື່ອ
....ຜູ້­ຕາງໜ້າ ................................................... ຕົວແທນ, ຜູ້ແທນ
....ແມ່­ຍິງ ...................................... ຜູ້­ຍິງ (ຫາກເອີ້ນວ່າ ສະ­ຫະ­ພັນ­ຜູ້­ຍິງ­ລາວ .. ຄຶຊິຮາກແຕກ­ອອກເລີຍ­ນໍ)
....ໂຕ .............................................................. ຕົວ
...ເຫັນ .............................................................ເຈິະ­, ເຈີ
....ທໍ່­ນີ້ ............................................................. ເທົ່ານີ້, ແຄ່­ນີ້
....ຫັ້ນ .............................................................. ນັ້ນ
....ຊ່ອຍ ........................................................... ຊ່ວຍ
.....ປື້ມ, ພັບ ................................................ ໜັງ­ສື(ທີ່ສຍາມ­ໝາຍເຖິງເປັນ­ຫົວ), ສມຸດ (ຫໍສມຸດ ແທນ­ທີ່­ຊິວ່າ ຫໍປື້ມ)
.....ປື້ມ­ສອງ­ຫົວ ................................................ ປື້ມ­ສອງເຫຼັ້ມ
.....ຄືຊິມີ ......................................................... ໜ້າ­ຈະ­ມີ
.....ເດີ່ນ ......................................................... ສນາມ
.....ເດີ່ນ­ບິນ, ເດີ່ນ­ທາ­ຕຫຼວງ ........................... ສນາມ­ບິນ, ສນາມ­ຫຼວງ
...ຍ່າງ .......................................................... ເດີນ
.....ທ່ຽວທາງ ................................................ ເດີນ­ທາງ
....ມໍ່, ບໍ່­ດົນ.................................................. ບໍ່­ນານ
...... ເຫີງ .................................................... ນານ
.....ຮ້ານ­ກິນ­ດື່ມ .......................................... ຮ້ານ­ອາ­ຫານ
.....ເຮືອບິນ, ຍົນຕ໌­ ..................................... ເຄື່ອງ­ບິນ
... ຕ່າວ, ຄືນ .............................................. ກັບ
..... ກັບ ..................................................... ດ້ວຍ
...... ເມືອເຮືອນ ,,,,,,,,,,,,,,,,,,,,,,,,,,,,,,,,,,,,,,,,,,,, ກັບບ້ານ
........ ຢູ່ເຮືອນ ............................................ ຢູ່ບ້ານ
...... ເສິກ­ສາມບ້ານ (ບໍ່ແຕນ ຊັຍ­ບຸຣີ) .......... ເສິກ­ສາມ­ໝູ່ບ້ານ
... ຕົວະ­ .................................................... ຫຼອກ (ບາດ­ຜີຫຼອກ ຊິວ່າ­ຫຍັງ?)
... ຊາວໝຸ່ມ ...............................................ໄວລຸ້ນ
.......ເອ້ຍ້ອງ ................................................ປະ­ດັບ
.... ປາດ (ນາຍ­ໝໍປາດ­ຄົນເຈັບ) ................. ຜ່າ­ຕັດ
..
...
ອິກຮ້ອຍ­ຄໍາ ພັນ­ຄໍາ ...
ດມສ.

ສົ່ງຂໍ້ຄວາມ
ຜູ່ຂຽນ: ດມສ
ຄະຕິ-ຄໍາຄົມ: ມີຫວານຂົມສົ້ມຝາດ... ນີ້ລ່ະຄືຊີວິຕ
ອາຊີບ: ກັມມະກອນ ຍອມກິນນໍ້າຍ້ອຍສອກໂຕເອງ ແຕ່ຂອງຄົນອື່ນບໍ່ຍອມ
ງານອະດີເລກ: ນັກເລງກອນ ຕັດປ້້າຍປະດັບສາກເວທີງານຕ່າງໆ ປູກດອກໄມ້-ຫຍ້າ-ຜັກ house remodel & Improvement
ຈາກ: USA ຈາກບ້ານນອກ ໄປຢູ່ນອກບ້ານ
ເມື່ອວັນທີ່: 25/05/12 07:31 AM
ມີທັງໝົດ: 974 ເລື່ອງ ເບິ່ງບົດຂຽນທັງໝົດຂອງ ດມສ
ເບີ່ງຄວາມເຫັນແບບ:    ຕາມລໍາດັບ | ຫລ້າສຸດ | ເຫັນດ້ວຍ | ບໍ່ເຫັນດ້ວຍ
ຄວາມເຫັນ: 7
ສົ່ງຂໍ້ຄວາມ
# 1 ປາກຊັນສອງສີ 26/05/12 01:56 AM (2 ປີ) ຈາກ: ປາກນໍ້າຊັນ
­ເຖີງ: ດມສ
ມີເກີດແກ່ເຈັບ­ຕາຍ­ທຸກຢ່າງ­ບໍ່ແນ່ນອນ­ຍາມະ­ຫາເອີຍ­ປົງໄວ້ຈະ­ເບົາ­ຫລາຍ
ສັບ­ພາ­ສາກໍຄືກັນລ້ວນແຕ່­ວິວັດທະ­ນາການ­ຕາມ­ການເໜັງ­ຕິງ­ຂອງ­ສັງ­ຄົມ
ແລະ­ເສດຖະ­ກິດ ພາ­ສາມາ­ຈາກ­ສັງ­ຄົມຖ້າ­ສັງ­ຄົມ­ບໍຊົມໃຊ້ແລ້ວມັນ­ກໍເປັນ
ພາ­ສາ­ທີ່­ຕາຍໄປ ສາ­ທຸໆ­ໆ­ໆ­ໆ­ໆ­
# 2 ດມສ 26/05/12 07:31 AM (2 ປີ) ຈາກ: USA ຈາກບ້ານນອກ ໄປຢູ່ນອກບ້ານ
­ເຖີງ: ປາກ­ຊັນ­ສອງ­ສີ
ບາດ­ໜ້າ ກໍຊິເຫັນ­ຄົນ­ລາວ­ນິຍົມເວົ້າ­ກັນ­ວ່າ ..

ຄັບໆ­­ ຜອມໆ­­ ເອົາ­ຂອງ­ຝາກ­ມາ­ໃຫ້­ກໍ­ໄມ້ເຈີ ­ໄອ້­ໝໍນີ້­ຫຼໍ່­ດີ­ຈັງ ຢາກ­ຟັດ­ສັກ­ຄ­ຣັ້ງ .....

ກໍເປັນເປັນເລື່ອງ­ທັມ­ດາ ເກີດ­ແກ່ເຈັບ­ຕາຍ ລະ­­ເນາະ­­ສະ­­ຫາຍ....

ຮາ­ຮາ
ຄວາມເຫັນ: 7
ສົ່ງຂໍ້ຄວາມ
# 3 xe thamuak 26/05/12 10:34 AM (2 ປີ) ຈາກ: France
­ເຖີງ: ດມສ ແລະ­ ປາກ­ຊັນ­ສອງ­ສີ

ບໍ່ວ່າ­ພາ­ສາ­ຂອງ­ຊາດໃດໃນໂລກ ກໍມີວິວັທນາການໄປຕາມ­ຍຸກ­ຕາມສມັຍສເມີ
ຂພຈ ເຊື່ອວ່າ­ພາ­ສາ­ລາວທີ່ທ່ານ ດມສ ຍົກ­ຂຶ້ນ­ມາ ວ່າເປັນ­ພາ­ສາ­ລາວແທ້­ນັ້ນ ອາດແຕກຕ່າງ­ຈາກ­ພາ­ສາ­ລາວໃນ­ຍຸກສມັຍພະ­ເຈົ້າໄຊເຊດ­ຖາ­ທິຣາດ­ກໍໄດ້

ຖ້າ­ຄົນ­ລາວຫົວອະ­ນຸຣັກ­ນິຍົມໃນສມັຍພະ­ເຈົ້າໄຊເຊດ­ຖາ ເຫັນ­ການໃຊ້­ສັບ­ທີ່ທ່ານ
ດມສ ວ່າເປັນ "ລາວແທ້" ອາດ­ທັກທ້ວງ­ຂຶ້ນ­ມາກໍໄດ້ ຍ້ອນເຫັນວ່າເປັນ­ການ
ນໍາເອົາ­ພາ­ສາ­ຊາດ­ອື່ນ­ມາໃຊ້

ແນວໃດ­ກໍຕາມ ມີບາງ­ຄໍາ­ທີ່ທ່ານ ດມສ ຍົກ­ມາ ຂພຈ ກໍເຫັນ­ດີນໍາເຊັ່ນ :
"ອິດູ" .............ກໍບໍ່ຄວນໃຊ້ "ເອັນ­ດູ" ທີ່ອອກເປັນໄທຍເກີນໄປ

ແຕ່ "ພູດອຍ" ແລະ­ "ພູເຂົາ"....."ທຸກ­ຍາກ" ແລະ­ "ຍາກ­ຈົນ" ແລະ­
ອີກ­ຫຼາຍ­ຄໍາ ຂພຈ ເຫັນວ່າແມ່ນ­ຄໍາ­ລາວແທ້­ທຸກ­ຄໍາ ອອກ­ສຽງຕ່າງ­ກັນ
ແຕ່­ມີຄວາມ­ໝາຍ­ດຽວກັນ ໃນ­ວັຍ­ກອນ­ພາ­ສາອັງ­ກິດເພິ່ນເອີ້ນວ່າ
synonym (synonymous).....

ການ­ທີ່­ພາ­ສາ­ຂອງ­ຊາດໃດ­ຊາດ­ໜຶ່ງ­ມີຫຼາຍ­ສັບໃຫ້ເລືອກໃຊ້ ກໍແປວ່າ­ພາ­ສາ
ຂອງ­ຊາດ­ນັ້ນເປັນ­ພາ­ສາອຸດົມ­ຮັ່ງ­ມີ ນັກ­ຂຽນ­ຍູທ່າງເລືອກໃຊ້­ສັບໃດ­ທີ່­ມັນ
ມ່ວນ­ຫູຫຼືອ່ານແລ້ວເກີດ­ຄວາມ­ອອນ­ຊອນ

ໃນ­ທາງ­ກົງ­ກັນຂ້າມ ຖ້າເຮົາ­ຕັດ "ພູເຂົາ" ຖິ້ມ ຍ້ອນເຫັນວ່າບໍ່ເປັນ­ຄໍາ­ລາວ
ແທ້ ຮັກ­ສາໄວ້ແຕ່ "ພູດອຍ" ຄໍາດຽວ ມັນເປັນ­ການ­ຈໍາກັດ­ການ­ພັທນາ­ຂອງ
ພາ­ສາ ເຮັດໃຫ້­ພາ­ສາ­ຂອງ­ຊາດເຮົາ­ທຸກ­ຍາກ­ລົງ ເພາະ­ມີສັບໃຊ້ນ້ອຍ­ລົງ
ຈະ­ເຮັດໃຫ້­ພາ­ສາ­ລາວຂາດ­ສັບ­ຫຼືຄໍາເພື່ອຂຽນ­ພັນລະ­ນາ­ສິ່ງຕ່າງໆ­ ຈິນຕະ­ນາ
ການຕ່າງໆ­ ຕລອດເຖິງອະ­ທິບາຍເຫດ­ການຫລືປາກົດ­ການຕ່າງໆ­ທີ່ເກີດ­ຂຶ້ນ
ໃນໂລກ ໂດຍສເພາະ­ໃນ­ຍຸກເສຖກິດໂລກາ­ພິວັດ ຫຼື ຍຸກໄຮເທັກ ຄືຢ່າງ­ທຸກ
ວັນ­ນີ້

ອີກປະ­ການ­ໜຶ່ງ ພາ­ສາໄທຍເອງ­ກໍມີວິວັທນາການ­ຄືກັນ ຂພຈ ເຫັນ­ບັນ­ດາ
ນສພ ໄທຍ ນໍາໃຊ້­ພາ­ສາ­ລາວຫຼືສັບ­ສໍານວນ­ລາວຫຼາຍ­ຂຶ້ນເລື້ອຍໆ­ ແຕ່ເຂົາ
ບໍ່ເວົ້າວ່າແມ່ນ­ພາ­ສາ­ລາວ (ເພາະ­ເຂົາ­ສລາດ) ດົນໄປໆ­ສັບ­ຫຼືຄໍາ­ລາວຕລອດ
ສໍານວນ­ລາວເຫຼົ່ານັ້ນ­ກໍຈະ­ກາຍເປັນ­ພາ­ສາໄທຍໄປເລີຍ ເຮັດໃຫ້­ພາ­ສາໄທຍ
ອຸດົມ­ຮັ່ງ­ມີຂຶ້ນ­ຕື່ມ ວ່າງໆ­ຈະ­ຫາ­ຕົວຢ່າງ­ທີ່ເປັນ­ຮູບ­ທັມ­ມາ­ສເນີ

ນັບ­ຖື
ເຊ ທ່າມວກ
ຄວາມເຫັນ: 2
ສົ່ງຂໍ້ຄວາມ
# 4 Papao 26/05/12 11:34 AM (2 ປີ) ຈາກ: USA ສະຫະຣັຖ
­ເຖີງ: ດມສ
ຜຂ ວ່າເປັນຍ້ອນ ທີວີ ໜັງ­ສື ພາບພະ­ຍົນ ລະ­ຄອນ­ວິດທະ­ຍຸ ສິ່ງຕ່າງເຫຼົ່ານີ້ລະ­ບາດເຂົ້າມາ­ສູ່­ລາວຢ່າງ­ບໍ່­ມີການ­ທັກທ້ວງ­ມາ­ຕັ້ງແຕ່
ລະ­ບອບເກົ່າ­ພຸ້ນແລ້ວ ຍ້ອນວ່າວັດ­ຖຸສື່­ສານ­ມວນ­ຊົນເຫຼົ່ານີ້ເຮົາບໍ່­ມີໃຫ້­ຄົນໂຕເອງ­ຊົມໃຊ້ ເຖິງຈະ­ມີແຕ່­ກໍບົກຜ່ອງ­ຫຼາຍເຮັດໃຫ້
ຄົນເຮົາເອງ­ບໍ່ຍອມ­ຮັບ ຫັນໄປຮັບເອົາ­ຂອງ­ຜູ້­ອື່ນ ຄວາມ­ຜິດ­ຂອງ ປປຊ ບໍ? ຕັ້ງແຕ່ລະ­ບອບເກົ່າ ມີລະ­ຍະ­ນຶ່ງ­ທີ່­ການ­ພາກ­ພາບພະ­ຍົນ
ເປັນ­ພາ­ສາ­ລາວ ນັກ­ພາກແມ່ນ­ສົມ­ໝາຍ­ນີ້ແຫຼະ­ ຕອນ­ນັ້ນ­ຄົນ­ລາວເລີ່ມ­ຫັນ­ມານິຍົມ­ພາ­ສາ­ລາວກັນ­ຫຼາຍ­ຂຶ້ນ - ນີ້­ຄືໂຕຢ່າງ­ທີ່ວ່າ ຄັນເຮົາໄປ
ຖືກ­ທາງ ເຮັດໃຫ້­ຖືກໃຈຕະ­ຫຼາດ ກໍຄື ປປຊ ເຮົາກໍສາມາດ­ຫັນປ່ຽນ­ພາວະ­ນີ້ໄດ້.

ຂ້າງເທິງ ຄັນ­ມີ ຄໍາ ຫຼື ຄວາມ ໄທ ປົນ­ຢູ່ ກະ­ຂໍໂທດເດີ້ ບໍ່ໄດ້­ຕັ້ງໃຈ ໂກ­ຫົກ - ອັນ­ນີ້ເວົ້າ­ຄວາມ­ລາວ.
ຄືບໍ່ເຫັນທ່ານ ພູເຂົາ ອອກ­ມາແຊມແດ່ເນາະ­.
ຄວາມເຫັນ: 2
ສົ່ງຂໍ້ຄວາມ
# 5 Papao 26/05/12 11:37 AM (2 ປີ) ຈາກ: USA ສະຫະຣັຖ
­ເຖີງ: ດມສ
“ໃຜເປັນໃຜ” ທີ່­ຄົນໄທມັກໃຊ້­ກັນ­ຢູ່­ດຽວນີ້ ທ່ານ­ບໍ່­ພູມໃຈນໍາບໍ? ສົງໄສເລີ່ມ­ມາ­ຈາກ ໝໍ່າ ຈົ໊ກ­ມົ໊ກ.
# 6 ດມສ 26/05/12 11:31 PM (2 ປີ) ຈາກ: USA ຈາກບ້ານນອກ ໄປຢູ່ນອກບ້ານ
­ເຖີງ: Papao

ຮາ­ຮາ
­ໄດ້­ຜົລກາຍ­ຄຶດ(ພະ­­ຍາຍາມ­ຊີບໍ່ເວົ້າ.. ເກີນ­ຄາດ..) ເພາະ­­ມີ­ພຽງ­ສອງ­ສາມ­ຄົນ­ທີ່ອອກ­ມາເໜັບ­ສ້ວງ ກໍລ່ວງ­ລຸກາຍເຄິ່ງ

ທ່ານ­ໜຶ່ງເປັນ­ສະ­­ຫາຍ­ຮັກ ຫົວ­ໜັກ­ປານເລ­ນິນ ຈຶ່ງ­ໄດ້­ນາມ­ຍົສ­ວ່າ ເລ­ນິນ­ລາວ­ຕັ້ງ­ແຕ່­ຮຽນ­ຢູ່ ມ­ສສ ­ໃນ­ຍຸຄ­ຊຸມ­ທ້າຍ­ປີ­ແປດ­ສິບ­ພຸ້ນ
ອີກ­ທ່ານ­ໜຶ່ງເປັນ­ນັກເລົ່າ­ຂ່າວເຄິ່ງ­ອາ­ຊີ­ພ ທີ່­ບໍ່­ແມ່ນ­ມືອາ­ຊີ­ພ­ແບບເຕັມ­ສ່ວນ ­ໂຕ­ປັກ­ຫຼັກ­ຢູ່ນອກ ­ແຕ່­ນິຍົມ­ທຸກ­ແຈຈອກ­ຂອງ­ລາວ­ອິ­ສຣະ­­
ອີກ­ບຸຣຸສ­ໜຶ່ງ­ທີ່ ດມ­ສ. ຍ້ອງ­ຍໍກຽ­ຕ­ຕິ­ຄຸນ­ວ່າເປັນ­ປະ­­ຣະ­­ມາ­ຈາ­ຣະ­­ຍະ­­ທາງ­ຄັມ­ພີ­ຣ໌­­ແລະ­­ສໍານວນ­ແປ­ຂັ້ນ­ມືອາ­ຊີ­ພ­ໄດ້ ..

­ແຕ່­ກໍອົມ­ຍິ້ມ­ກັບ­ສອງ­ຄໍາ­ສຸດ­ທ້າຍ­ຂອງ­ຜູ້­ທີ່­ສອງ­ວ່າ .. ວ່າງ ... ທີ່ເພິ່ນ­ກໍຄື­ຄົນ­ລາວ­ສ່ວນ­ໃຫຍ່­ທີ່­ຫຼົງ­ໃຊ້­ການ­ສະ­­ກົດ­ຄື­ພວກ­ນັ້ນ ທັງ­ທີ­ຄໍາ­ລາວ­ຄວນ­ສະ­­ກົດ­ວ່າ .. ຫວ່າງ .... ຖ້່າ­ຂຽນ­ຕາມເຂົາ ວ່າ... ວ່າງ .. ເຂົາອອກ­ສຽງ­ຕາມ­ວັນນະ­­ຍຸຕລາວ­ວ່າ .. ວ້າງ.. ­ແຕ່­ທີ່­ຂຽນ­ລາວ­ວ່າ .. ຫວ່າງ .. ­ໃຫ້­ສັງເກ­ຕ­ຄໍາ­ຄູ່­ຫຼື­ສອງ­ສາມ­ພະ­­ຍາງ­ຄ໌­ທີ່­ນິຍົມ­ໃຊ້­ຄູ່­ກັນ­ວ່າ.. ເວັ້ນ­ຫວ່າງ ຫຼື ຫວ່າງເວັ້ນ, ຫວ່າງ­ກາງ, ບໍ່­ຫວ່າງ=ບໍ່ເປົ່າ,ບໍ່­ແປນ,ເຕັມ,­ແໜ້ນ., ຢູ່­ຫວ່າງ­ກາງ­ປ່າ­ດົງ... ­ແລະ­­ .. ຢູ່­ຫວ່າງ­ຂາ .. ຖ້າ­ຢາກ­ໃຊ້­ຄໍາ­ວ່າ ບໍ່ວ່າງ ນໍາເຂົາ ລາວເຮົາ­ກໍມີ­ຫຼາຍ­ຄໍາເລືອກ ເຊັ່ນ ບໍ່­ມີເວ­ລາ, ຄາ(ວຽກ), ວຽກ­ອັ່ງ­ມື, ບໍ່­ທັນ(ເຮັດ,­ໄປ..)

ອີກ­ບຸຣຸສ­ຄົນ­ສຸດ­ທ້າຍ ກໍມີ­ຄໍາ­ສຸດ­ທ້າຍ­ວ່າ .. ທ່ານ­ພູເຂົາ .... ຮາ­ຮາ ກໍມ່ວນ­ແບບ­ພິ­ລຶກ­ອີກ­ແນວ

ຮັກ­ຄົນ­ລາວ­ແລະ­­ຮັກ­ສ໌­(ຣັກ­ຂາ..ປາ­ລີ = ຣັກ­ສາ.. ສັນ­ສະ­­ກ­ຣິ­ຕ=ຣັກ­ສ໌­)ຄໍາ(ບໍ່­ແມ່ນ ຄວາມ)ລາວ
ດມ­ສ.
ຄວາມເຫັນ: 7
ສົ່ງຂໍ້ຄວາມ
# 7 xe thamuak 27/05/12 12:09 AM (2 ປີ) ຈາກ: France
­ເຖີງ: ທຸກທ່ານ

ຖ້າ­ຄໍາໃດ ສັບໃດ ສໍານວນໃດ ກໍຖືກ­ຖືວ່າເປັນ­ພາ­ສາໄທຍ­ໝົດ ອີກ­ບໍ່­ດົນ­ພາ­ສາ­ລາວເຮົາ
ກໍຈະ­ເຖິງ­ຈຸດ­ອາວະ­ສານ ບໍ່­ມີໃຫ້­ປາກເວົ້າ­ຂີດ­ຂຽນ­ອີກ­ຕໍ່ໄປ ເພາະ­ສະ­ນັ້ນ­ກໍຂໍໃຫ້­ຄໍາ­ຫຼືສັບ
ຕ່າງໆ­ມີສິດເປັນ­ລາວແດ່

ຮ້ານ­ອາ­ຫານ ຫຼື ຮ້ານ­ກິນ­ດື່ມ ຂພຈ ວ່າໃຊ້ໄດ້­ທັງ­ສອງ ໃນລະ­ບອບເກົ່ານິຍົມໃຊ້­ກັນວ່າ
"ຮ້ານ­ອາ­ຫານ" ສ່ວນ­ຄໍາວ່າ "ຮ້ານ­ກິນ­ດື່ມ" ແມ່ນ­ນິຍົມໃຊ້­ກັນໃນລະ­ບອບໃໝ່­ພີ້

ໃນສມັຍ ຂພຈ ຍັງນ້ອຍໃນ­ຊຸມ­ປີ 50 - 60 ກໍເຄີຍເຫັນຮ້ານ­ອາ­ຫານແຫ່ງ­ໜຶ່ງ­ທີ່ສວັນ
ນະ­ເຂດ ຂຽນປ້າຍເປີ້ເຈີ້­ບັກໃຫຍ່ວ່າ "ໂຮງເຂົ້າແກງ"......ພວກເຮົາ­ຈະ­ວ່າເປັນ­ພາ­ສາ
ໃດ? ຈະ­ວ່າ­ພາ­ສາ­ຈີນ­ບໍ? ພາ­ສາວຽດ­ນາມ­ບໍ?

ຖ້າເຮົາມີແນວຄິດສ້າງ­ສັນ­ທາງດ້ານ­ພາ­ສາ ຢາກໃຫ້­ພາ­ສາ­ຂອງ­ຊາດ­ລາວເຮົາເປັນ­ພາ­ສາ
ທີ່­ອຸດົມ­ຮັ່ງ­ມີ ເຮົາກໍຕ້ອງ­ຮັບເອົາ­ທັງ­ຄໍາວ່າ ຮ້ານ­ອາ­ຫານ ຮ້ານ­ກິນ­ດື່ມ ແລະ­ ໂຮງເຂົ້າແກງ
ເປັນ­ພາ­ສາ­ລາວໝົດ ໃຜຢາກໃຊ້­ສັບໃດໃຫ້ເລືອກເອົາ­ຕາມໃຈຊອບ

ນັກ­ຂຽນນະ­ວະ­ນິຍາຍ ອາດໃຊ້­ຄໍາວ່າ "ໂຮງເຂົ້າແກງ" ກໍໄດ້ຖ້ານິຍາຍ­ທີ່­ຂຽນ­ຂຶ້ນ­ມີເນື້ອຫາ
ສາ­ຣະ­ກ່ຽວກັບ­ສັງ­ຄົມ­ຂອງເມືອງ­ສວັນນະ­ເຂດໃນ­ຊຸມ­ປີ 50 - 60....

ຖ້ານິຍາຍ­ມີເນື້ອຫາ­ສາ­ຣະ­ທີ່ເກີດ­ຂຶ້ນໃນ­ຍຸກປະ­ຕິວັດ ນັກ­ຂຽນ­ກໍອາດ­ນໍາ­ຄໍາວ່າ "ຮ້ານ­ກິນ­ດື່ມ"
ມາໃຊ້­ກໍໄດ້ ຜູ້ອ່ານຈະ­ສາມາດ­ຈິນຕະ­ນາການໄດ້ວ່າໃນ­ຍຸກ­ນັ້ນແລະ­ໃນ­ສັງ­ຄົມ­ນັ້ນໆ­ ພາ­ສາ­ລາວ
ເຮົາເປັນແນວໃດ.....ຈະ­ມາ­ຕັດ­ຄໍາ­ຫຼືສັບໃນ­ພາ­ສາ­ລາວຖິ້ມເຮັດຫຍັງ ແຕ່ເພິ່ນ­ຕັດ­ຕົວ ຣ ຖິ້ມ
ເຮົາກໍຍັງ­ພາກັນ­ຈົ່ມເສັຽດາຍ

ເວົ້າມາ­ຮອດບ່ອນ­ນີ້ ກໍຢາກເຊີນ­ຊວນ­ບັນ­ດາ­ທ່ານ­ທັງ­ຫຼາຍອ່ານ­ວັນນະ­ກັມ­ລາວເຣື່ອງ ສັງ­ສິນໄຊ
ນາງແຕງອ່ອນ ນາງ­ຜົມ­ຫອມ ປູ່ສອນ­ຫຼານ ແລະ­ອື່ນໆ­ ແລ້ວບັນ­ດາ­ທ່ານ­ທັງ­ຫຼາຍຈະ­ເຫັນວ່າ
ສັບ­ສໍານວນຕ່າງໆ­ທີ່­ບາງທ່ານ­ຢາກ­ຍັດ­ຢຽດ­ຄວາມເປັນໄທຍໃຫ້­ນັ້ນ ມີເຕັມ­ຢູ່ໃນ­ວັນນະ­ກັມ­ລາວ
ທີ່ກ່າວຊື່­ມາ­ຂ້າງເທິງ

ເພາະ­ສະ­ນັ້ນ­ກໍຂໍໃຫ້ພວກເຮົາ­ຄົນ­ລາວທຸກ­ຄົນ­ທີ່­ຮັກ­ພາ­ສາ­ຂອງ­ຊາດ ຈົ່ງຊ່ວຍ­ກັນ­ຮັກ­ສາ
ສັບ­ສໍານວນ­ຂອງ­ລາວເຮົາໄວ້ ຢ່າໄດ້­ຢິບ­ຍື່ນ­ຄວາມເປັນ­ຊາດ­ອື່ນໃຫ້ແກ່­ພາ­ສາ­ລາວເຮົາເລີຍ

ເຊ ທ່າມວກ
# 8 ດມສ 27/05/12 12:53 AM (2 ປີ) ຈາກ: USA ຈາກບ້ານນອກ ໄປຢູ່ນອກບ້ານ
­ເຖີງ: xe thamuak

ນັກເລົ່າ­ຂ່າວ ຈົ່ງເປັນ­ນັກໃຈກວ້າງ ບໍ່ໄວສລຸບແບບໃຈແຄບວ່າ­ຄໍາໃດ­ກໍເປັນສຍາມໄປໝົດ, ບໍ່ໄດ້­ໝາຍແບບ­ນັ້ນ, ແຮງ­ພາ­ສາເກົ່າ, ເອກ­ສານເກົ່າ, ສັພທ໌­ແສງເກົ່າ ໃນຣະ­ບອບເກົ່າ ແຮງ­ຊອດກະ­ຈາໃຫຍ່­ຫຼວງ ເຊັ່ນ ກະ­ຊວງມະ­ຫາດໄທ, ກະ­ຊວງກ­ຣາໂຫມ,ປຣະ­ດິດ,ມົງ­ຄົນ­ວິໄລ ...ເປັນ­ຕົ້ນ
ຄວາມເຫັນ: 7
ສົ່ງຂໍ້ຄວາມ
# 9 xe thamuak 27/05/12 03:31 AM (2 ປີ) ຈາກ: France
­ເຖີງ: ດມສ



ອ່ານເບິ່ງ­ບັນ­ຊີຫາງວ່າວລາຍ­ຊື່­ຄໍາ­ຕ່າງໆ­ທີ່­ຍາ ດມສ ໃຫ້­ມາແຕ່­ຕົ້ນ ເຮັດໃຫ້ເຂົ້າໃຈວ່າ

ຍາ­ຢາກ­ຕໍ່ວ່າ­ຕໍ່­ຂານວ່າ­ຄົນ­ລາວລືມ­ຄໍາ­ລາວແລະ­ນໍາ­ຄໍາ­ສຍາມ­ມາໃຊ້ແທນ ເຖິງແມ່ນວ່າ

ຍາບໍ່ໄດ້ເອີ່ຍເຖິງສຍາມຢ່າງເປີດເຜີຍ­ກໍຕາມ



ເຣື່ອງໃຈກວ້າງໃຈແຄບ ຮັບ­ຮອງວ່າ ຂພຈ ເປັນ­ຄົນໃຈກວ້າງ ຍິນ­ດີຖົກ­ຖຽງແລກປ່ຽນ

ຄວາມ­ຄິດເຫັນຢ່າງໃຊ້ເຫດ­ຜົນອ້າງ­ອິງ ບໍ່­ຄຽດ­ບໍ່­ຊັງຍ້ອນ­ມີຄວາມ­ຄິດຕ່າງ­ກັນ



ໃນ­ທາງ­ກົງ­ກັນຂ້າມ ຂພຈ ກັບເຫັນວ່າ ການ­ຖົກ­ຖຽງ­ທີ່ໃຊ້ເຫດໃຊ້­ຜົນ ນອກ­ຈາກເຮັດ

ໃຫ້ໄດ້ຄວາມ­ຮູ້ເພີ້ມ­ຕື່ມແລ້ວ ກໍຍັງເຮັດໃຫ້ເວທີແຫ່ງ­ນີ້­ຄຶກ­ຄື້ນແລະ­ມີຊີວິດ­ຊີວາອີກດ້ວຍ



ແມ່ນ­ອີຫຼີ ໃນລະ­ບອບເກົ່າເພິ່ນ­ມີ "ກະ­ຊວງມະ­ຫາດໄທ" ຂພຈ ກໍບໍ່­ຮູ້ວ່າ­ຄໍານີ້­ມີຕົ້ນ­ຕໍມາ

ແນວໃດ ມີຄວາມ­ໝາຍແນວໃດ ແມ່ນ­ພາ­ສາ­ສຍາມ­ບໍ ຫລືວ່າ­ພາ­ສາ­ລາວ.....ທ່ານ ດມສ

ເປັນ­ຜູ້­ຮູ້ເລິກ­ບາ­ລີສັນສກ­ຣິດ ຊ່ວຍອະ­ທິບາຍເປັນ­ວິທຍາ­ທານໃຫ້ແດ່ ບໍ່­ຮູ້­ອີຫລີ.....ເປັນ

ຫຍັງ­ຈຶ່ງຕ້ອງ "ກະ­ຊວງມະ­ຫາດໄທ" ເປັນຫຍັງ­ບໍ່ວ່າ "ກະ­ຊວງມະ­ຫາດ­ລາວ" ?



ໃນສ່ວນ­ທີ່ກ່ຽວກັບ "ກະ­ຊວງກ­ຣາໂຫມ" ນັ້ນ ຂພຈ ເຄີຍໃຊ້­ຊີວິດ­ທັງໃນລະ­ບອບໃໝ່ແລະ­

ເກົ່າ ກໍບໍ່ເຄີຍເຫັນວ່າໃນລະ­ບອບເກົ່າເພິ່ນໃຊ້­ຄໍານີ້ ເຫັນແຕ່ເພິ່ນໃຊ້ "ກະ­ຊວງປ້ອງ­ກັນປະ­

ເທດ" ຕໍ່­ມາໃນລະ­ບອບໃໝ່­ກໍເຫັນເພິ່ນໃຊ້ "ກະ­ຊວງປ້ອງ­ກັນ­ຊາດ" ມາ­ຮອດ­ດຽວນີ້­ກໍກັບ­ຄືນ

ມາໃຊ້ "ກະ­ຊວງປ້ອງ­ກັນປະ­ເທດ" ອີກ ແຕ່­ບໍ່ເຄີຍເຫັນ­ຈັກເທື່ອການໃຊ້ "ກະ­ຊວງກ­ຣາໂຫມ"

ທ່ານ ດມສ ມີເອກ­ສານອ້າງ­ອີງ­ບໍ ຖ້າມີເອົາມາແບ່ງ­ປັນ­ກັນເບິ່ງແດ່ ຈະ­ໄດ້ຄວາມ­ຮູ້ເພີ້ມ­ຕື່ມ

ຂຶ້ນ­ອີກ



ສ່ວນ "ປຣະ­ດິດ" ແລະ­ "ມົງ­ຄົນ­ວິໄລ" ນັ້ນ ແມ່ນ­ຊື່ແລະ­ນາມສກຸນສະ­ເພາະ­ຂອງ­ບຸກ­ຄົນ

ເຈົ້າ­ຂອງ­ຊື່­ຂຽນແນວໃດ ອ່ານ­ອອກ­ສຽງແນວໃດ ເຮົາ­ຕ້ອງ­ນັບ­ຖືເອົາ­ຕາມ­ນັ້ນ



ເຈົ້າ­ຂອງ­ຊື່­ອາດ­ມີບັນພະ­ບຸຣຸດ­ທີ່­ມາ­ຈາກ­ພາກ­ອີສານ­ຂອງໄທຍ­ກໍອາດເປັນໄປໄດ້ ຈຶ່ງເລືອກ

"ປຣະ­ດິດ" ແລະ­ "ມົງ­ຄົນ­ວິໄລ" ເປັນ­ຊື່ແລະ­ນາມສກຸນ­ຂອງ­ຕົນ ແທນ­ທີ່ຈະ­ແມ່ນ "ປະ­ດິດ"

ແລະ­ "ມຸງ­ຄຸນ­ວິໄລ"........ເວົ້າແນວນີ້­ກໍເພາະ­ເຫັນ­ຄົນໃຊ້­ນາມສກຸນ "ສຸວັນນະ­ວົງ" ເຕັມບ້ານ

ເຕັມເມືອງໃນປະ­ເທດໄທຍ.....ໄທຍແລະ­ລາວຢູ່ໃກ້­ຄຽງ­ກັນ ທັງ­ຄົນ ວັດ­ຖຸ ຕລອດ­ຮອດ­ຊື່ແລະ­

ນາມສກຸນ ໃຜຊິເຮັດແນວໃດ­ກໍກັ້ນ­ກາງ­ບໍ່ໄດ້

ເຊ ທ່າມວກ
ຄວາມເຫັນ: 9
ສົ່ງຂໍ້ຄວາມ
# 10 saixelamphao 27/05/12 04:12 AM (2 ປີ) ຈາກ: USA ເໜືອລີ່ຜີ ໃຕ້ຈໍາປາສັກ
­ເຖີງ: ດມສ

- ຢ່າ­ໄປ­ກໍາ­ນົດ­ຕາຍ­ໂຕ­ຈັ່ງ­ຊັ້ນ ກົນເມີງ­ໄຕ­ລື້ເວົ້າ­ຈັ່ງ­ໜຶ່ງ ­ແຕ່­ຄົນເມີງ­ຜູ້­ໄທ ຂອງທ່ານ­ໄມ້­ຈັນ ເວົ້າ­ຈັ່ງ­ໜຶ່ງ "ສອງ­ໂຜເມເຂົ້າ­ປ່າ­ໄປຫາເຮັດ­ຢູ່­ກາງໂຄກ ປະ­­­(ປ່ອຍ-ຖິ້ມ ກະ­ວ່າ)ໃຫ້­ລູກ­ຢູ່ເຖງ(ກະ­ຕູບ-ຖຽງ)ນາ ­ໂງ­ຄວາຍ­ປາຍເຂົາມາ­ກິນ­ກ້າ­ເໝີດ(ໝົດ­)ສອງ­ຕາ ພໍ່­ແມ່­ຈຶ່ງ­ກັບ­ມາ­ພ້ອມ­ກັບ­ໄຫຼ້ເຮັດ­ກັບ­ປາ­ສອງໂຕ" ຄົນ­ສີ­ພັນ­ດອນ­ບາງບ້ານ­ພັດ­ວ່າ "ອີ່­ພໍ່­ອີ່­ແມ່­ໄປໃນເມືອງ­ຊື້­ຂອງ­ມາ­ຫຼາຍ­ຍ່າງ" ທີ່­ວຽງ­ຈັນ­ຄົນ­ທີ່­ມາ­ແຕ່ເຂດ­ປົດ­ປ່ອຍ ບໍ່­ຮູ້­ຈັກ­ຂອງເພາະ­­ຮູ້­ແຕ່­ຂອງ(....) ຈຶ່ງ­ມີເລື່ອງເລົ່າ "ສະ­­­ໄໝ­ປົດ­ປ່ອຍ­ໃໝ່ ຄົນ­ປາກເຊມາ­ຢູ່­ວຽງ­ຈັນ ໄປຖາມ­ຊື້­ຂອງ­ນໍາເອື້ອຍ­ນ້ອງ­ຮ້ານ­ຄ້າ­ສະ­­ຫະ­­ກອນ ກັບ­ຄົນ­ຂາຍ­ທີ່­ມາ­ຈາກເຂດ­ປົດ­ປ່ອຍ "ນ້ອງ­ຊື້­ຂອງ­ແນ່" ນາງ­ສາວ­ປະ­­ຕິວັດ ຮ້າຍ­ໜ້າ­ແດງ­ຂຶງ­ຂັງ "ອ້າຍ­ນີ້­ຄືເວົ້າເພີະ­­­ແທ້ ຜິດ­ການເມືອງເນີອ້າຍເນີ" ບາດ­ອ້າຍ­ນ້ອງ­ປະ­­ຕິວັດ­ແຖວວຽງ­ຈັນ­ລົງ­ໄປປາກເຊ ເລີຍ­ໄປ­ຕໍ່­ລອງ­ຊື່ເຄື່ອງ­ຂອງ ຂໍຫຼຸດເຄື່ອງ­ໃນ­ຕະ­­ຫຼາດ "ນາງ­ນ້ອຍ­ຟອຍ­ສີ­(ຟອຍ­ຖູແຂ້ວ)ຟັນ­ ຂໍຫຼຸດ­ໄດ້­ບໍ ? ອີ່­ນາງ­ນ້ອຍ­ມັນ­ຢ້ານ­ຫຼຸບ­ມັນ­ບໍ່­ຂາຍ­ໃຫ້­ຈັກ­ດີ້(ຈັກໜ່ອຍ-ຈັກເມັດ)ຄັນ­ຂໍລົດ­ພໍ­ກະ­ໃຄ່ແນ່ ຍັງ­ຊິມີກໍາ­ໄລ­ຢູ່­ຈັກ­ໜ່ອຍ" ລໍຖ້າ­ຈົນ­ແມ່­ນາງ­ນ້ອຍ­ກັບ­ມາ­ຈຶ່ງ­ຊື້ເຄື່ອງ­ໄດ້.
- ພາ­ສາ­ລາວ­ຫຼາຍ­ທ້ອງ­ຖີ່ນ ຕ່າງ­ກັນແຕ່­ສຽງ ແລະ­ຮູບ­ຄໍາ­ຈັກໜ່ອຍ, ຄັນ­ເປັນຂພາ­ສາ­ໃໝ່ໆ­­ພັດ­ແຮ່ງ­ຮ້າຍ­ຄົນ­ລາວ­ປະ­­ຕິວັດ­ຮຽກເຝີ(ນໍາ­ຫຽວດ) ທາງເໜືອເອີ້ນເຂົ້າ­ຊອຍ, ເຂົ້າເສັ້ນ, ມັນ­ຕ່່າງ­ກັນ­ກໍຈິງ ­ແຕ່­ມັນເປັນເສັ້ນ­ຄືກັນ ຄົນ­ບ້ານ­ຂ້ອຍ­ຮຽກເວົ້າກັບ­ຈີນ ກຸ້ຍ­ຕ໋ຽວ ກຸ້ຍ­ຈັ໊ບ ຄົນ­ແຖວ ດອນ­ບາງ­ດອນ­ສະ­­­ໄໝຕາ­ກີ້ ຮຽກ­ວ່າ ກະ­­ຕ໊ຽວ(ແປງ­ສຽງ­ຈັກໜ່ອຍ) ­ຄົນໄທຍ໌­ຣຽກ­ວ້າ "ກ໊ວຍເຕີ໋ຍວ"(ບໍ່­ຄືລາວ), ຕອນ­ປົດ­ປ່ອຍ­ໃໝ່­ພໍ່ເຖົ້າ­ສີ­ທັນ ສັ່ງ­ກິນ­ກຸ້ຍ­ຕ໋ຽວກັບ­ກຸ້ຍ­ຈັ໊ບ ­ໄປ­ແລ້ວ­ແນວ­ລະ­­ຊາມ, ພໍດີອ້າຍ­ນ້ອງ­ປະ­­ຕິວັດເຂົ້າມາ­ຮ້ານ­ສັ່ງ "ເອົາເຝີ­ໜຶ່ງ­ຖ້ວຍ" ພໍ່ເຖົ້າ­ສີ­ທັນ­ຍິນແ​​​ລ້ວ ບໍ່­ຮູ້­ຈັກ ເຝີວ່າແມ່ນຫຍັງ ຄົງ­ຊິແມ່ນ­ອາ­ຫານໃໝ່ ງົມເບິ່ງ­ທ້ອງ­ຍັງ­ພໍ­ສູ້ໄຫວ "ລອງ­ກິນເຝີກ່ອນ­ໜ່າ­ຈັກ­ໜຶ່ງ­ຖ້ວຍ" ເຂົາເຮັດ­ມາ­ໃຫ້­ແລ້ວ­ພັດ­ແມ່ນ­ກຸ້ຍ­ຕ໊ຽວ ນຶກ­ໃນ­ໃຈ­ວ່າ "ຫ່າ­ກິນ­ຫົວເຮີຍ ທີ່­ແທ້­ແມ່ນ­ກຸ້ຍ­ຕ໊ຽວ" ສັ່ງ­ມັນ­ໜຶ່ງ­ຖ້ວຍ "ຖ້ວຍ­ຂອງ­ມັນກະ­­ດາຍ ເທົ່າ­ຊາມ­ກາ­ໄກ່"(ຢ່າ­ລືມ­ຖ້ວຍ­ໂຖ­ໂອ­ຊາມ) ມັນ­ມີ­ລັກ­ສະ­­ນະ­­ຕ່າງ­ກັນ "­ໄທເໜືອເອີ້ນ, ­ໄທ­ໃຕ້(ບາງ­ຖີ່ນ"ຮຽກ"), ບາດ­ໄທລາວກະ­­ເທີນ­ວ່າ "ຮ້ອງ" ­ໄທຍ໌­ສຍາມ "ຣຽກ" ທີ່­ແທ້­ມັນກະ­­ "ຮ້ອງ ຮຽກເອີ້ນ" ອັນ­ດຽວ­ກັນ­ນີ້­ແລ້ວ­ວ່າ.
- ­ແຍກ­ສ່ວນເຮົາ­ຕາຍ ­ໂຮມ­ກັນເຮົາ­ຂະ­­ຫຍາຍ, ຢ່າ­ລືມ­ທ້ອງ­ຖິ່ນ­ດິນ­ລາວ­ມີ­ຄວາມ­ຫຼາກ­ຫຼາຍ "ຄັນ­ຝົນ­ຕົກ­ຕ້ອງ­ຫາ­ຈ້ອງ, ຟ້າ­ຮ້ອງ­ກຽມ­ຄັນ­ຮົ່ມ, ແດ­ດ­ອອກ­ມີລົມ­ກຽມ­ຄັນ­ຍູ, ຍາ­ຄ­ຣູມາ­ຕ້ອງເຄນ­ກົດ, ຄັນ­ແຫ່ບວດ­ແຫ່­ຫົດ­ໃຊ້­ສັບ­ປະ­­ທົນ" ຕ້ອງ "ມອງກ­ວ້າງເບິ່ງ­ໄກ­ດູ­ແລ­ພໍ່ຈ້ອງໃຫ້­ທົ່ວ ເຖິງເກັບ­ກໍາ­ນໍາ­ໃຊ້­ສອດ­ສ່ອງ­ຫຼຽວ­ແລ" ຈຶ່ງ­ຈະ­­ປົກ­ປັກ­ຮັກ­ສາ­ຄວາມເປັນ­ຊາດ ເປັນ­ວັດ­ທະ­­ນະ­­ທໍາ "ບຸກ­ທະ­­ລຸ­ແນວ­ຄິດ ຕິດ­ພັນ­ກັບ­ທໍາມະ­­ຊາດ ອັນເປັນ­ສັງ­ຄົມ­ຊົນ­ຊາດ­ຊົນເຜົ່າ­ລາວ, ຫຼິ້ກເວັ້ນ­ແນວ­ຄິດ­ຄໍາ­ພີ­ຕາຍ­ຕົວ(­ໂຕ) ­ໄຕເມີງ­ລ້ານ­ນາ, ເຈງ­ຕຸງ, ເຈງ­ຮຸ່ງ "ສະ­­ຣະ­­ອົວ­ໃສ່ ຕ ອ່ານ ໂຕ, ເໝືອນ­ກັບ "­ໂງ, ­ໂຜ" ບ້ານ­ແກ້ງ­ກອກ­ ບຶງເຊ ຂອງເຊ­ທ່າມວກ, ຈໍາ­ປາ­ແດງ, ຄົນ­ລາວເຮົາ­ມີ ໔໘ ຊົນເຜົ່າ "ຕໍາ­ສົ້ມ­ຢ່າ­ລືມ­ໝາກ­ພິກ ເຮັດ­ແຈ່ວ­ຢ່າ­ຫຼົງ­ໝາກເຜັດ ຄັນ­ຊິເຮັດ­ໃຫ້­ແຊບ­ຕ້ອງ­ໃສ່­ມະ­ເອີດ, ມະ­ເອືອດ, ຊາວ­ຂະ­­ມຸວ່າ "ພ­ລິ" ກິນເຜັດ­ຄືກັນ­ບໍ່­ຜິດແຜກ, ຫາກ­ໃສ່­ໝາກ­ພິກ­ພໍງາມ­ແຊບ­ນົວ­ດີ, ຂະ­­ເໝນເຈນ­ຈາມ ພັດ­ວ່າ "ມະ­­­ແຕ໊ະ­­, ມະ­­ຕ໊ະ­­ ບໍ່­ຄື­ລາວ­ຈັກ­ຢາດ" ­ໄທຍ໌­ສຍາມ­ວ່າ "ມະ­­ພ­ລິກ" ມີ­ໂຕ ລ.ລິງ­ນໍາ­ພ້ອມ.
- ທຸງ­ຊາດ­ທຸງ­ສາດ­ສະ­­ໜາ ເຈງ­ຮຸ່ງ, ເຈງ­ຕຸງ, ລ້ານ­ນາ­ວ່າ, ຈຽງ­ຂອງ­ ຈຽງ­ແສນ­ວ່າ­ຕຸງ "ມີດອຍ­ໜຶ່ງ­ຊື່ວ່າດອຍ­ຕຸງ, ມີເມີງ­ໜຶ່ງ­ວ່າເມີງ ເຈງ­ຕຸງ, ບໍ່­ແກ້ວ­ຫຼວງ­ນໍ້າ­ທາ ບ້ານ­ທ່ານ­ໂບ­ລາ ­ດມສ ແຕ່ກ່ອນ­ວ່າ "ຕຸງ" ຊາວ­ຂະ­­ເໝນ­ວ່າ "ຕຸງ" ເໝືອນ­ກັນ­ອ້ອຍ­ຕ້ອຍ, ບາດ­ໄທຍ໌­ສຍາມ­ວ່າ "ທົງ" ­ໃສ່­ໂຕ ທ. ໝາກ­ຕານ ຫຼື­ ທໍ.ທະ­­ຫານ.
- ສະ­­­ໄໝ­ອີ່­ພໍ່­ອີ່­ແມ່­ແຖວ­ບ້ານ­ຜູ້ ເກີດ­ມາ­ນີ້ກະ­­­ໄດ້­ຍິນ ເວ­ລາເຂົາ­ໄປ­ແຫ່ດອກ­ໄມ້­ໃນ­ວັດ­ຍາມ­ກາງ­ພັນ­ສາ ຫຼືເຊີ້ງ­ບຸນ­ບັ້ງ­ໄຟ ມີ­ຂະ­­ບວນ­ບ່າວເຫີ່ມ ຮ້ອງເຊີ້ງ "­ໂອ້­ໂອ໊­ໂອ່ ສາວ­ບ້ານເພິ່ນ­ບໍ່­ຄືບ້ານ­ໂຕເອົາ­ໂອ­ຮີດ­ຜ້າ", (ດຽວນີ້ ຄົນ­ລາວບາງທ້ອງ­ຖິ່ນວ່າ­ຣີດ ດຽວນີ້­ຄົນ­ວຽງ­ຈັນວ່າ "ລີດ-ເຕົາ­ລີດ-ລີດຜ້າ" ມີອີກ­ຄໍາ­ໜຶ່ງວ່າ "ຜູ້ບ່າວ­ຂະ­­ເໝນເຂົາ­ມັກ­ໜຸ່ງ­ແຕ່­ໂຂ ­ແຕ່­ຜູ້ບ່າວ­ລາວບ້ານ­ໂຕພາ­ກັນ­ນຸ່ງແຕ່­ສົ້ງ ຍາມ­ລົງ­ວັດ­ລົງ­ວາ ກໍນຸ່ງ­ແຕ່­ຜ້າ­ສະ­­ລົ້ງ ­ຫຼືຜ້າ­ຫາງ"
- ­ໄທຍ໌­ສຍາມ­ກວດ­ຕ້ອນເອົາ­ຄົນ­ລາວວຽງ ລາວ­ພຸງ­ຂາວ ­ໄຕ­ແຫຼງ ­ໄຕຫຼໍ່າ ຈາກເມືອງ­ຊໍາ ເມືອງ­ແຖນ­ໄປ­ຢູ່ເມືອງ­ໃຕ້ໄທສຍາມ ລາວ­ພວກ­ໜຶ່ງ ນຸ່ງ­ສົ້ງ ເຂົາເອີ້ນ­ພວກ­ນີ້ວ່າ "ລາວ­ສົ້ງ" ຕໍ່­ມາ­ສຽງ­ມັນ­ຜ້ຽນເປັນ "ຊົ້ງ, ­ໂຊ້ງ" ຢູ່ເມືອງ­ໄທຍ໌­ຈຶ່ງ­ມີ­ລາວ­ສົ້ງ(ຂຽນ-­ໂຊ່ງ, ຊົ່ງແຕ່ະ­­ອ່ານ ­ໂຊ້ງ, ຊົ່ງ) ນັກ­ວິ­ຊາການ­ໄທຍ໌­ ພັດເໝົາ­ລວມ­ວ່າ "ລາວ­ພວກ­ນີ້ແຕ່ງ­ອົງ­ຊົງເຄື່ອງເປັນ­ສີິດໍາ ກໍວ່າໄທຍ໌­ຊົງ­ດໍາ".
- ­ແຕ່ກ່ອນ­ແຖວ­ບ້ານ­ຜູ້­ຂຽນ­ຮຽກ­ວ່າ "­ໂຂ-ອັນ­ໂຂ­ນັ້ນ ສະ­­ເພາະ­­ມັນເປັນ­ຫົວ­ຮູດ" ສ່ວນ­ສົ້ງ­ທົ່ວ­ໄປຮຽກ­ວ່າ "ສົ້ງ" ຄືກັນ(ໃຊ້­ທັງໂຂທັງ­ສົ້ງແຕ່ແນວລະ­ຢ່າງ­ກັນ), ດຽວ­ນີ້ເຊົາ­ຮຽກ­ໂຂແລ້ວກັບ­ມາ "ເອີ້ນ­ວ່າ­ສົ້ງ" ຈົນ­ໝົດ­ບໍ່­ຮຽກ­ຊໍ້າ ເພາະ­­ອີງ­ຕາມ­ພາ­ສາ­ຊີ້­ນໍາ(­ໂຂ ­ໄດ້­ອິດ­ທິ­ພົນ­ທາງ­ພາ­ສາ­ຈາກ ຂະ­­ເໝນ ­ແລະ­­ລາວ­ສູງ­ວ່າ "­ໂຄ", ວ່າ­ຮຽກ­ຕາກີ້ ປ່ຽນ­ຕາມ­ພາ­ສານິຍົມໃໝ່.
- ຄົນ­ດຽວນີ້ ມີໝູ່ ບໍ່ກ້າ­ຮຽກ "ກໍວ່າ­ສະ­ຫາຍ", ມີແຟນ­ພັດເອີ້ນວ່າ "ໝູ່" ບາດເປັນ­ຜົວເປັນເມັຍ­ກັນແລ້ວ ພັດເອີ້ນວ່າ "ແຟນ" ມັນ­ຈັ່ງໃດ­ກັນ ຫວ່າ.
ໜ້າ 1 ທັງໝົດ 3 1 2 3 > >>
ປະເພດບົດຂຽນ:
ເລື່ອງ   ຜູ່ຂຽນ ເຂົ້າມາອ່ານ ຫລ້າສຸດ  
   
ເລື່ອງ   ເຂົ້າມາອ່ານ ຄວາມເຫັນ ຫລ້າສຸດ  
ຕະ­ຕິໂຍນເປັງ (ຕ້ອງອ່ານໃນ­ທໍານອງ­ຂັບ­ທຸ້ມ)   314 1 ThatKhao 13 ວັນ
ສ້ອນ­ກຸ້ງສ້ອນ­ປາ   271 0 ດມສ 17 ວັນ
ສາຍໄຍ ສາຍໃຈ   238 0 ດມສ 18 ວັນ
­ເຊົ້າມື້ໃໝ່   250 0 ດມສ 18 ວັນ
44 ປີ ທີ່ຢື້ຢາມ   447 0 ດມສ 2 ເດືອນ
ເຕດມັທທີ   374 0 ດມສ 2 ເດືອນ
ເວລາກັບຮູບຖ່າຍ   418 0 ດມສ 2 ເດືອນ
ອວຍພອນແຮກກັບເລຂສີ່ສີ່   451 0 ດມສ 2 ເດືອນ
ມື້ເຊົ້ານີ້ທີ່ສວນຫຼັງເຮືອນ   424 0 ດມສ 2 ເດືອນ
ອີກເທື່ອໜຶ່ງ ກັບງານນັດພົບສັງສັນຄ໌ຊາວຫົວຂອງ ເທື່ອທີສອງ   445 0 ດມສ 2 ເດືອນ
ຄວາມປີ້ປົ່ນຂອງສັງຄົມພຸທໄທສຍາມ   631 1 ຄສວ 3 ເດືອນ
ຫ້ອງວັນນະກັມລາວ ເຟຊບູ໊ຄ ປ່ຽນຮູບປະຈຳໜ້າປົກໃໝ່   811 0 ດມສ 3 ເດືອນ
ກອນ­ໜີ ກະ­ວີຫາຍ (ພາກຍ໌­ສຽງ)   824 2 Laowady 3 ເດືອນ
ທາງສາຍນີ້ (ພາກຍ໌ສຽງ)   855 0 ດມສ 3 ເດືອນ
ໄດ້ກິນໄຂ່ດາວ ສົດໆ ຂາວໆ ຫອມໆ ຟຸ້ງໆ ...   1730 0 ດມສ 7 ເດືອນ