ບົດຂຽນ ກາບກອນ ກະວີຄໍາຄົມ

ເຂົ້າມາອ່ານ: 1819 ຄວາມເຫັນ: 25 Printພີມ
Email to friend ອີ່ເມວລ໌ໄປໃຫ້ຫມູ່
ເລົ່າເຣື່ອງການຖືກເຈັບໃຫ້ພີ່ນ້ອງຟັງ
 
    ໃຫ້ຄະແນນ
ຂໍຂອບໃຈ............ສາຍ­ນໍ້າເຫືອງ.........ເຕື້ອງ­ບອກຂ່າວ
ຕາມເຣື້ອງ­ຣາວ.....ການ­ຖືກເຈັບ............ເພິ່ນເກັບ­ກໍາ
ຄືພາດ­ພັ້ງ...........ລ້າງເຮືອນ­ຣົດ..........ຫມື່ນຖລໍາ
ຈົນ­ຟົກ­ຊໍ້າ...........ທັງ­ຫົວແຕກ............ແປກ­ພິກົລ

ເຣື້ອງເກີດ­ຂຶ້ນ...........ຄືນ­ອັງ­ຄານ............ວິກາ­ລແລ້ວ
ເມືອງLowell............ຄົນແຖວຄຸ້ມ............ພວມເຂົ້ານອນ
ຂ້ອຍ­ກໍຍັງ................ຂົນ­ຖັງເຫຍື້ອ..........ອອກໄວ້ກ່ອນ
ລາງ­ສັງ­ຫອນ............ໃນເຮືອນ­ຣົດ............ໂພດວ່າເຫມັນ

ແກ່­ຂີ້ເຫຍື່ອ..............ໄວ້ແຄມ­ທາງ...............ຕ້ອງລ້າງກ່ອນ
ຈຶ່ງເຂົ້ານອນ..............ລ້າງ­ກິ່ນ­ນັ້ນ................ມັນ­ຈໍາເປັນ
ແຕ່ຄວາມ­ຈິງ..............ສິ່ງໃດຫນໍ.................ພາໃຫ້ເຫມັນ
ຄືປະ­ເດັນ.................ໃຫ້ພະ­ວົງ...................ງົງ­ຄືກັນ

ເປີດ­ທໍ່­ນໍ້າ....................ຖືໂຕໂຢ..................ຕີນ­ຖູລ້າງ
ແຕ່ຣະ­ຫວ່າງ................ເກືອບຈະ­ແລ້ວ.........ມີແນວພະ­ລັນ
ຕີນ­ຫວິດ­ດິນ.................ຫົວນ໊ອກ­ພື້ນ............ມຶນ­ງົງ­ງັນ
ຄືນອນ­ຝັນ...................ຕາຍໄປ.................ບໍ່ໄດ້ຄວາມ

ມິດມ້ອຍໄປ.................ເທົ່າໃດ­ນໍ...............ບໍ່­ອາດ­ຮູ້
ນອນ­ຕາຍ­ຢູ່................ຄົນ­ດຽວ.................ເຈັບ­ປວດ­ຊໍ້າ
ໂຊກ­ຍັງ­ດີ..................ທີ່ຕອນ­ລົ້ມ...............ຍັງເປີດ­ນໍ້າ
ເປັນ­ບຸນ­ກັມ...............ທໍ່­ນໍ້າ­ສາດ.................ຟາດຫນ້າເຮົາ

ບຸນ­ຍັງ­ມີ.....................ທີ່­ທໍ່­ນໍ້າ....................ປິ່ນ­ມາ­ສີດ
ຈຶ່ງສະ­ກິດ..................ໄດ້ສະ­ຕິ.................ໃນ­ຊົ່ວຄາວ
ແຕ່­ຕີນ­ມື...................ຕີງ­ບໍ່ໄດ້...................ຈົນໃຈເຮົາ
ຫຼືເຖິງ­ຄາວ................ຕ້ອງ­ນອນ­ຕາຍ............ໃຜບໍ່ເຫັນ

ຊົ່ວບຶດ­ດຽວ...............ຫຼຽວພຸ້ນ­ພີ້..................ມືຕີງໄດ້
ງົມ­ມືໃສ່....................ບ່ອນເຈັບ­ຫົວ.............ຄວາມາເຫັນ
ມີແຕ່ເລືອດ..............ໄຫຼແດງ­ພື້ນ................ຕື່ນ­ຈົນເຊັນ
ໂທ່ເຮົາເປັນ..............ຫນັກ­ປານ­ນີ້...............ເຖິງ­ທີໄປ

ພະ­ຍາຍາມ..............ລຸກ­ຂຶ້ນ...................ບືນ­ລຸກ­ນັ່ງ
ສມອງ­ສັ່ງ................ຕ້ອງຮ້ອງເມັຽ..........ສຸດເສັຽໃຈ
ຮ້ອງ...ແກ້ວເອີຍ........ໂທໂຮງຫມໍ............ເອົາ­ຂ້ອຍໄປ
ຂືນຊ້າ­ຕາຍ...............ເລືອດ­ອອກ­ຫຼາຍ.....ບໍ່­ຢຸດເລີຍ

ເມັຽ­ຕົກ­ຕື່ນ................ມຶນເຫັນເລືອດ........ໄຫຼເຟືອດ­ຟົ້ງ
ເຕັມ­ທັງ­ສົ້ງ................ທັງເສື້ອ....................ກໍປຽກເສີຍ
911 .....................ລາວຍັງໂທ.................ບໍ່ເປັນເລີຍ
ແທ້ລະ­ເວີຍ!..............ຄົນ­ຕົກໃຈ.................ພາຍ­ນໍ້າ­ຕາ

ຫ້ານາ­ທີ..................ມີດັບເພີງ.................ເຂົາມາ­ຮອດ
ໍາບູລັງ..................ກໍທຽມ­ຈອດ...............ໄວທັນ­ຕາ
ເຂົາກໍຟ້າວ...............ໂຈມເອົາ­ຂ້ອຍ............ໄປໄວວາ
ສົມ­ກັບວ່າ..............ຫນ່ວຍ­ສຸກເສີນ.............ຫນ້າເຍີນ­ຍໍ

ໂຊກ­ຍັງ­ດີ................ທີ່­ຫົວແຕກ..................ພຽງຫນັງ­ຫຸ້ມ
ສະ­ແກນ­ຕື່ມ.............ເອັກສະ­ເຣຍ໌­...............ຢູ່ໂຮງຫມໍ
ທັງສມອງ...............ແລະ­ກະ­ດູກ.................ຄົບ­ພຽງ­ພໍ
ໂຊກ­ຫຼາຍເນາະ­.........ບໍ່ຮ້າຍແຮງ................ຕະ­ແຄງ­ຕາຍ

ຢູ່­ສຸກເສີນ.................ສີ່­ຊົ່ວໂມງ.................ຈຶ່ງໄດ້ອອກ
ແລ້ວເຕືອນ­ບອກ.........ລູກເມັຽ....................ບໍ່ບອກໃຜ
ເພາະ­ບາງ­ທີ................ຄືເປັນເຣື່ອງ.............ຫນ້າ­ລະ­ອາຍ
ທີ່ເກືອບ­ຕາຍ............ຍ້ອນເລີນເລີ້...............ເງີກເຊີ້ເອງ

ຜົລສລຸບ..................ຫຍິບເຈັດເຂັມ...........ເລັມ­ຜົມ­ອອກ
ແຖຫົວຫງອກ............ເປັນເດິ່ນ..................ເພິ່ນ­ບໍ່ເກງ
ດຽວນີ້­ຍັງ..................ພັກ­ຟື້ນກ່ອນ.............ນອນ­ຟັງເພງ
ໂທດ­ຕົວເອງ..............ບໍ່ຣະ­ວັງ...................ບໍ່­ຕັ້ງໃຈ

ສາຍ­ນໍ້າເຫືອງ.............ຈຶ່ງ­ພາໄປ...............ກາ­ພໄຫວ້ພຣະ­
ເພື່ອລົດລະ­................ເຄາະ­ເຂັນ...............ເວນ­ຈັງໄຮ
ໃຫ້­ພົ້ນ­ທຸກ.................ຫາຍໂສກ...............ໂຣຄະ­ພັຍ
ຫນີໄປໄກ..................ຈາກ­ຄອບ­ຄົວ............ແລະ­ຕົວເຮົາ



ສົ່ງຂໍ້ຄວາມ
ຜູ່ຂຽນ: jampadeng
ຄະຕິ-ຄໍາຄົມ: ຄົນລາວທີ່ຮັກຄວາມເປັນລາວ...
ອາຊີບ: ສະຖາປະນິກ architectural drafting
ງານອະດີເລກ: ເຫຼັ້ນດົນຕຣີ, ຮ້ອງເພງ, ຂຽນກາພຍ໌ກອນ
ຈາກ: ຈາກແຜ່ນດິນແມ່ ມາຕັ້ງຖິ່ນຖານຢູ່ຣັດ ອາແຄັນຊໍສ໌
ເມື່ອວັນທີ່: 12/08/11 04:53 AM
ປັບປຸງໃໝ່: 13/08/11 06:51 AM
ມີທັງໝົດ: 613 ເລື່ອງ ເບິ່ງບົດຂຽນທັງໝົດຂອງ jampadeng
ເບີ່ງຄວາມເຫັນແບບ:    ຕາມລໍາດັບ | ຫລ້າສຸດ | ເຫັນດ້ວຍ | ບໍ່ເຫັນດ້ວຍ
# 1 vientiane2 12/08/11 07:22 PM (3 ປີ) ຈາກ: AUS sa vanh muang khon
­ເຖີງ: jampadeng

ເສັຽໃຈນໍາເດີອ້າຍ ອາຍຸແກ່ແລ້ວເຮັດ­ຫັຽງຄ່ອຍລະ­ວັງ ແດ່ອ້າຍ
ບາງເທື່ອເຮົາ­ຂາແຄ່ງອ່ອນກະ­ມີ ໂດຍ­ທີ່ເຮົາ­ຊ່ວຍໂຕເອງກະ­ບໍ່­ທັນ
ອາການ­ດີຂື້ນ­ຫຼາຍແລ້ວຕິ
ຂໍໃຫ້­ຫາຍໄວໆ­ເດີອ້າຍ
ຮັກແພງ
ວຈ2
# 2 ດມສ 12/08/11 07:26 PM (3 ປີ) ຈາກ: USA ຈາກບ້ານນອກ ໄປຢູ່ນອກບ້ານ
­ເຖີງ: jampadeng

ອຸບັຕເຫຕ ເກີດ­ຂຶ້ນໄດ້ແກ່­ທຸກ­ຄົນແລະ­ທຸກເວລາ ຂໍໃຫ້­ຫາຍເຈັບເຊົາ­ປວດແລ້ວມານວດ­ສີສັນໃສ່ໃບ­ລານ­ຕໍ່

ຮັກແພງ, ດມສ.
# 3 saixelamphao 13/08/11 12:53 AM (3 ປີ) ຈາກ: USA ເໜືອລີ່ຜີ ໃຕ້ຈໍາປາສັກ
­ເຖີງ: jampadeng
ໂອ................
- ອ່ານເລື່ອລາວ ງຶດແທ້ ງຶດ­ບໍ່ຢອກ
ຄິດ­ບໍ່ອອກ ຈໍາ­ປາແດງ ຕະ­ແຄງ­ຕາຍ
ເພາະ­ເຫັນ­ຂຽນ ກອນ­ອອກ­ມາ ບໍ່­ມີວາຍ
ຂຽນຂ່າວຮ້າຍ ນໍ້າ­ຖ້ວມ­ໜັກ ທີ່ເມືອງ­ລາວ

- ວັນ­ອັງ­ຄານ ກໍເຫັນ­ອອນ ອິນ­ລາວຢູ່
ຕອນເຊົ້າ­ຕູ່ ຂໍເຫັນ­ຂຽນ ກອນ­ບັນ­ຍາຍ
ນຶກວ່າເຂົາ ບໍ່ເຫັນຫຍັງ ຍັງສະ­ບາຍ
ເປັນ­ຕາ­ໜ່າຍ ຊີວິດ ພິກ­ຜັນໄວ

- ທີ່ທ່ານເປັນ ນັ້ນແມ່ນ ອຸບັດເຫດ
ປະ­ຕິເສດ ບໍ່ໄດ້ ເປັນເລື່ອງໃຫຍ່
ເກີດ­ກັບ­ຄົນ ທຸກໆ­ໄວ ໃຜກໍໄດ້
ບຸນ­ຍິ່ງໃຫຍ່ ມີອັນຊ່ອຍ ຄ່ອຍ­ຄືນ­ມາ

- ບໍ່­ດັ່ງ­ນັ້ນ ຊາວອິນ­ລາວ ຝາຍ­ນໍ້າ­ຕາ
ແຕ່­ຫາກວ່າ ບຸນທ່ານແຂງ ຈຶ່ງ­ບໍ່­ຕາຍ
ຫົວນ໊ອກ­ພື້ນ ຈົນສະ­ຫຼົບ ຕ້ອງ­ນອນຫງາຍ
ລອດ­ຄວາມ­ຕາຍ ເພາະ­ໂຕໂຢ ໂອໂຫ່­ບຸນ

- ຕື່ນ­ຂຶ້ນ­ມາ ມີສະ­ຕິ ຮູ້­ສຶກໄດ້
ຄວາມືໄປ ງົມເບິ່ງ­ຫົວ ເລືອດເປັນ­ສາຍ
ນັບວ່າດີ ຍັງເປັ່ງ­ສຽງ ໄດ້ສະ­ບາຍ
ຈຶ່ງ­ລອດ­ຕາຍ ເມັຍໄດ້­ຍິນ ພຣະ­ອິນ­ຄຸມ

- ເກົ້າ­ໜຶ່ງ­ໜຶ່ງ ເລກ­ດີ ຄວນ­ມີໄວ້
ກົດ­ຄັ້ງໃດ ໄດ້­ຮັບ­ຜົນ ພົ້ນ­ຄວາມ­ຕາຍ
ຫາກ­ກົດແລ້ວ ນັບວ່າ­ພົ້ນ ອັນຕະ­ຣາຍ
ຈັ່ງແມ່ນງ່າຍ ມາເຮວໄວ ປານເຫາະ­ເອົາ

- ມາເບິ່ງແລ້ວ ເຂົາເອົາໃຈ ເປັນ­ພິເສດ
ອຸບັດເຫດ ຖືສໍາ­ຄັນ ເກີນ­ບັນ­ຍາຍ
ລົດ­ດັບເພີງ ທີ່­ມາ­ຮັບ ຄືຄວາມງ່າຍ
ຢ້ານ­ຄົນ­ຕາຍ ຈຶ່ງ­ມາໄວ ໄປໃຫ້­ທັນ

- ຄັນບ້ານເຮົາ ຕ້ອງແມ່ນ ລົດໂຮງ­ໝໍ
ຕ້ອງໄດ້­ລໍ ເກີນ­ຊົ່ວໂມງ ນັບວ່າໄວ
ຕ້ອງໄດ້ເຊັນ ອະ­ນຸມັດ ຈາກ­ຜູ້ໃຫຍ່
ກວ່າ­ຈະ­ໄດ້ ເອົາ­ລົດ­ອອກ ມາ­ຮັບເຮົາ

- ນີ້ບ້ານເພິ່ນ ລົດ­ດັບເພີງ ຄົງ­ຢູ່ໃກ້
ເຂົາ­ຈຶ່ງໃຫ້ ລົດ­ດັບເພີງ ມາ­ຮັບໄວ
ແລ້ວເອົາໄປ ຮອດໂຮງ­ໝໍ ຢ່າງ­ທັນໃຈ
ຄວາມວ່ອງໄວ ຄວາມ­ທັນໃຈ ຈຶ່ງ­ບໍ່­ຕາຍ

- ເກົ້າ­ໜຶ່ງ­ໜຶ່ງ ນາມ­ນີ້ ເລກ­ໝານ້ອຍ
ຄອງເຝົ້າ­ຄອຍ ເບິ່ງແຍງ­ຄົນ ຢູ່ສະ­ເໝີ
ຈໍາ­ປາແດງ ເຂົາ­ລອດ­ຕາຍ ແລ້ວລະ­ເດີ
ບຸນສະ­ເໜີ ຊົດຊ່ວຍ ດ້ວຍ­ສັດ­ທາ

- ຂໍໃຫ້ທ່ານ ຈໍາ­ປາແດງ ຫາຍໄວວາ
ແລ້ວກັບ­ມາ ອິນ­ລາວ ໃຫ້­ຄົນ­ຊົມ
ຄົນ­ທໍາດີ ບໍ່ຕ້ອງຢ້ານ ພະ­ຍາຍົມ
ຂໍໃຫ້­ພຼົມ ພຣະ­ອິນ­ທາ ມາໂອຍ­ພອນ
# 4 kadubsavannakhet 12/08/11 08:16 PM (3 ປີ) ຈາກ: USA badan/savan lu na lok yu thang nan
­ເຖີງ: jampadeng
Sorry to hear that. My heart be with you brother.
here my email address mprakansa60@comcast.com. Please keep me post.
we will talk later.send me your email 2.
ks
# 5 ອໍເຍາະ 12/08/11 09:32 PM (3 ປີ) ຈາກ: USA ຄຸກນາແດນ
­ເຖີງ: jampadeng

ສະ­ບາຍ­ດີ ອ້າຍ­ນູ ຮວຍຫຍິບ­ຈົນ­ຮອດເຈັບເຂັມ­ພຸ້ນວະ­ ຖ້າ­ຕີມວຍ­ຢູ່ເມືອງໄທ (ແອນ­ຕາ­ຊີນເເຈກຫນັກແລ້ວເຈົ້າ)

ເຂັມລະ­ຫ້າ­ຮອ້ຍ ພຸ້ນໃດ ນັ້ນແລ້ວກອ່ນ­ຊິລ້າງ­ຮົດກະ­ຫາ ສາວນ້ອຍໄປຊົກ­ນໍາ­ຕີ ແອນຕຮາ­ຊີນ­ຈັ່ງ­ຊິຈ່າຍ­ຊອ່ຍ­ນີ່­ນາ

ບາດ­ຊິເຈັບ ນໍ ຫມື່ນວະ­ ຫລືແນວໃດ­ບໍ່ເຂົ້າໃຈພາ­ສາກອນເຈົ້າ ຈັ່ງໃດໂຊກຮ້າຍໃຫ້ຫນີ ໂຊກ­ດີຊິແລ່ນເຂົ້າມາ­ລະ­ຕິ

ຂອ້ຍ­ຍັງເຫມືອນເດີມ ຊິສົ່ງຄ່າວໃຫ້ທ່ານ­ບຸນ­ຍໍຮູ້ດອກເດີ

ໂຊກ­ດີອ້າຍ
# 6 ອ້າຍຮັກ 12/08/11 11:00 PM (3 ປີ) ຈາກ: ຈໍາປາສັກກ້ໍາເມືອງປາກເຊຟ້າຍ່ອຍໆ
­ເຖີງ: jampadeng
0ຂໍໃຫ້­ສຸຂະ­ພາບແຂງແຮງ­ຄືນ ດັ່ງເກົ່າເດີ

ກະ­ບໍ່ຕ້ອງໄປເຮັດກະ­ໄດ້ ວຽກ­ບາງຢ່າງ­ທີ່­ບໍ່­ຈໍາເປັນ ປ່ອຍໃຫ້­ລູກຫລານເຂົເຮັດແທນ
ພະ­ເພີ່ນ­ຈິ່ງ­ຮຽກວ່າ ຮູ້­ຈັກປ່ອຍ­ວາງໄດ້ ຫັ້ນ­ນາ ລູງ
ນັບວ່າເປັນ­ບຸນເປັນ­ກຸສົນ ທີ່­ລູງເຮັດ­ດີມາ­ຕະ­ຫລອດ
ຂຽນ­ບົດກະ­ວີ ບອກຂ່າວໃຫ້­ຮູ້­ສາ­ລະ­ພັດ ຜູ້­ຢູ່ເມືອງ­ລາວ ບໍ່­ທັນ­ຮູ້ ລູງ­ຍັງ­ຮູ້ກ່ອນ­ອີກ
ນັບວ່າເປັນ­ຜູ້ເປັນຫ່ວງ­ນໍາ­ຄວາມ­ສຸກ ແລະ­ຄວາມ­ປອດໄພຂອງ­ພີ່ນ້ອງ­ລາວເຮົາ
ຂໍໃຫ້­ສິ່ງ­ສັກ­ສິດ­ຈົ່ງ­ຄຸ້ມ­ຄອງ
# 7 noom tai 12/08/11 11:49 PM (3 ປີ) ຈາກ: ຢູ່ບໍ່ເປັນບ່ອນ, ນອນບໍ່ເປັນທີ່, ໜີເມື່ອໃບຕອງເຫລືອງ
­ເຖີງ: jampadeng
ຂໍໃຫ້­ລຸງເຊົາໄວໆ­ເດີ ແລະ­ ຮັກ­ສາ­ຂຸຂະ­ພາບແດ່
ມື້­ນີ້­ມາ­ຟ້າວແດ່ ມື້ໜ້າ­ຈິ່ງ­ຊິມາ­ຂຽນ­ກອນ­ນໍາ

ໄປລະ­
ໜຸ່ມໃຕ້

ເອີ ເກືອບ­ລືມ ແຖວລະ­ຫານ້ໍາ ອາການ­ໜັກແລ້ວເດີ ນ້ໍາ­ຖ້ວມ!!!
# 8 fakhak 12/08/11 11:56 PM (3 ປີ) ຈາກ: ແດນ ທົ່ງໄຫຫີນ
­ເຖີງ: jampadeng
ຂ່າວຄາວເລື່ອງ­ອຸບັດ­ຕິເຫດ ໃຜໆ­ກໍ່­ບໍ່­ຢາກໄດ້­ຍິນ ເພາະ­ມັນເປັນຂ່າວຮ້າຍ, ແຕ່ຂ່າວຂອງອ້າຍ­ຈໍາ­ປາແດງ ເປັນ­ທັງຂ່າວຮ້າຍ ແລະ­ຂ່າວດີ. ຖືວ່າເຫດ­ທີ່ເກີດ­ຂື້ນແມ່ນໄດ້ເສຍເຄາະ­ໄປແລ້ວ ນັບແຕ່­ວັນ ເວລາ ທີ່ອ້າຍໄດ້­ມືນ­ຕາ­ຂື້ນ­ມາອີກ­ຄັ້ງ ນັ້ນເປັນ­ການ­ພົ້ນ­ຈາກເຄາະ­ເຂັນຮ້າຍໆ­ນັ້ນ ແລ້ວ. ຄາວເຄາະ­ ຄາວຊວຍ ຖືວ່າກາຍຜ່ານໄປແລ້ວ ຕໍ່ໄປຂໍໃຫ້ອ້າຍຫມົດ­ທຸກຫມົດໂສກ ຂໍໃຫ້­ມີແຕ່ຄວາມຈະ­ເຣີນ­ຮຸ່ງເຮືອງ, ຄວາມເຈັບຢ່າໄດ້ ຄວາມໄຂ້ຢ່າມີ ແລະ­ ສຸຂະ­ພາບແຂງແຮງຕະ­ຫລອດໄປທັງ­ກາຍແລະ­ໃຈ.
ຮັກແພງ,
ຝາກ­ຮັກ
# 9 Lao Lady1 13/08/11 04:35 AM (3 ປີ) ຈາກ: U S A
­ເຖີງ:ສະ­ບາຍ­ດີ fakhak
ມື້­ນັ້ນ ອ້າຍ­ຈໍາ­ປາແດງ­ລາວຟ້າວໆ­ ເອື້ອຍ­ຂຽນ­ຕອບ­ບໍ່­ທັນ(ລາວຟ້າວໄປຖິ້ມ­ຂີ້ເຫຍື້ອ)ປານ­ນັ້ນ­ລາວເວົ້າໃຫ້ເອື້ອຍວ່າ ຜູ້ເຖົ້າ­ຄາງໂອະ­ຄາງໂອ່ຍ.
ບາດເພິ່ນ­ຜູ້­ບໍ່ເຖົ້າເຊຊູ້ເຊຊັດ.

ຮັກແພງ
# 10 Lao Lady1 13/08/11 04:41 AM (3 ປີ) ຈາກ: U S A
­ເຖີງ: ສະ­ບາຍ­ດີ ອ້າຍ jampadeng
ຂ້ອຍເອົາ­ຕົ້ນ­ປີ,ເຈົ້າເອົາ­ຄ້ອຍ­ກາງ­ປີ...
ມາເຢີຂວັນເອີຍ ຂວັນເອີຍ­ຂວັນໃຫ້­ມາ­ຢູ່­ກັບເນື້ອກັບ­ຕົວ....ອາຍຸໝັ້ນ­ຂວັນ­ຍືນເນີ!

ເທື່ອໜ້າ­ຢ່າ­ຟ້າວຫຼາຍໃຫ້ຂ້ອຍ­ຕອບ­ຄໍາ­ຖາມໃຫ້ແລ້ວກ່ອນ­ຈຶ່ງຄ່ອຍໄປ.
ຮັກແພງ
ໜ້າ 1 ທັງໝົດ 3 1 2 3 > >>
ປະເພດບົດຂຽນ:
ເລື່ອງ   ຜູ່ຂຽນ ເຂົ້າມາອ່ານ ຫລ້າສຸດ  
   
ເລື່ອງ   ເຂົ້າມາອ່ານ ຄວາມເຫັນ ຫລ້າສຸດ  
ແດ່ດວງວິນຍານຂອງພໍ່ລຸງ ບຸນທັນ ໄຊປຣະສິທ (2)   2190 1 ຕົ້ນມະນີໂຄດ 1 ປີ
­ແດ່ດວງ­ວິນ­ຍານ­ຂອງ­ພໍ່­ລຸງ ບຸນ­ທັນ ໄຊປຣະ­­ສິທ (1)   2006 0 jampadeng 1 ປີ
ເປັນຫ່ວງເດີ ພັກຜ່ອນແນ່   1966 1 ໝາມໄຜ່ 1 ປີ
ສຸຂສັນ­ວັນເກີດ ແດ່ເອື້ອຍ­ຈັນ­ທອນ   1992 0 jampadeng 1 ປີ
Joyeux Anniversaire my soeur Chanthone   1978 0 jampadeng 1 ປີ
ກະຣຸນາຄິດວ່າຂ້ອຍຈີບເຈົ້າເດີ   2014 0 jampadeng 1 ປີ
ຄໍາ­ຖາມ ສໍາ­ລັບ­ຄົນຫນຶ່ງ­ທີ່­ກໍາ­ລັງ­ຟັງເພງເສົ້າໆ­ຢູ່   2004 0 jampadeng 1 ປີ
ກະ­­ວີນິຍາຍ ຮັກ­ຄັ້ງແຣກ­ທີ່­ຝັງໃຈ ຕອນ 17   2035 0 jampadeng 1 ປີ
ກະວີນິຍາຍ ຮັກຄັ້ງແຣກທີ່ຝັງໃຈ ຕອນ 16   1988 0 jampadeng 1 ປີ
ປາກຢ່າງ ໃຈຢ່າງ   1963 0 jampadeng 1 ປີ
ຊີວິດຄຣູທີ່­ຂາດ­ຄູ່   2284 2 ວັນມີໃຈ 1 ປີ
ຢາກກ້າວຫນ້າ­ຕ້ອງຫມັ່ນ­ສຶກ­ສາ   2202 2 ສິດພະໄຊ 1 ປີ
ມີພົບແລ້ວມີຈາກ   2103 0 jampadeng 1 ປີ
ກະວີນິຍາຍ ຮັກຄັ້ງແຣກທີ່ຝັງໃຈ ຕອນ 15   2079 0 jampadeng 1 ປີ
ກະວີນິຍາຍ ຮັກຄັ້ງແຣກທີ່ຝັງໃຈ ຕອນ 14   2169 0 jampadeng 1 ປີ